राहुल गांधींच्या राज्याभिषेकाच्या बातम्या पेरून काँग्रेस कंटाळली नाही का?- ओमर अब्दुल्ला

नुकत्याच झालेल्या पाच राज्यांच्या विधानसभा निवडणुकीत काँग्रेसला अपयश आले होते. या पार्श्वभूमीवर पक्षात चैतन्य निर्माण करण्यासाठी राहुल गांधी पक्षाध्यक्ष होणार असल्याच्या बातम्यांनी पुन्हा एकदा जोर धरला आहे. या वृत्तांचा ओमर अब्दुल्ला यांनी ट्विटरवरून समाचार घेतला. दरम्यान, भाजपनेही या वृत्तांचा आधार घेत काँग्रेसवर टीका करण्यास सुरूवात केली आहे. राहुल यांना पक्षाध्यक्षपदी बसविणे हे घराणेशाहीचे बोलके उदाहरण असल्याचे भाजपचे प्रवक्ते सांबित पात्रा यांनी काल म्हटले होते. सोनिया गांधी काही दिवसांपूर्वी नरेंद्र मोदी यांच्या कार्यपद्धतीवर टीका करताना त्यांना ‘शहेनशहा’ म्हणून संबोधले होते. त्याला प्रत्युत्तर देताना भाजपने सोनिया गांधी यांच्या ‘शहजाद्या’च्या डोक्यावर पक्षाध्यक्षपदाचा मुकूट ठेवणे, हे ‘शहेशहानियत’चे (घराणेशाहीचे) बोलके उदाहरण असल्याची टीका केली होती.
‘राहुल गांधींना काँग्रेसच्या पक्षाध्यक्षपदी बसवणे हे घराणेशाहीचे बोलके उदाहरण’