इस्रायलचे गाझा पट्टीतील युद्ध सुरु असतांना आता या युद्धाला आणखी एक वळण मिळाले आहे. अग्नेय दिशेला असलेल्या येमन देशातील हूथी बंडखोराच्या नियंत्रणाखाली असलेल्या होदेइदाह (Hodeidah) बंदरावर इस्रायलने रविवारी पहाटे हल्ला केला. इस्राईलच्या एफ-१५ लढाऊ विमानांनी सुमारे १७०० किमी अंतर पार करत लाल समुद्राच्या ( Red Sea ) च्या किनाऱ्यावर असलेल्या होदेइदाहवर बॉम्ब टाकले आहेत. यामध्ये तीन ठार आणि ८० पेक्षा जास्त जखमी झालेत. यामध्ये मुख्यतः बंदरावर असलेल्या इंधनसाठा आणि गोदामांना लक्ष्य करण्यात आलं आहे. हे ही वाचा. आंदोलक विद्यार्थ्यांना यश! बांगलादेशमधील सर्वोच्च न्यायालयाकडून बहुतांश नोकऱ्यांमधील आरक्षण रद्द हे ही वाचा. Kerala Nipah Virus : चिंताजनक! निपा विषाणूचा प्रादुर्भाव झालेल्या १४ वर्षीय मुलाचा मृत्यू; केरळ सरकारने म्हटले… गेल्या काही महिन्यात लाल समुद्रात प्रवास करणाऱ्या मालवाहू जहाजांवर हूथी बंडखोरांनी ड्रोनद्वारे हल्ले चढवले आहेत. एवढंच नाही तर शुक्रवारी इस्रायलची राजधानी असलेल्या तेल अवीव शहरावर ड्रोनने हल्ले केले. याला प्रत्युत्तर म्हणून इस्रायलने हा हल्ला चढवला आहे. " आमच्यावर कोणी हल्ला केला तर त्याची जबर किंमत चूकवावी लागेल " अशी प्रतिक्रिया इस्रायलचे पंतप्रधान बिन्यामिन नेतान्याहू यांनी दिली आहे. lतर ज्या बंदरावरुन इराणची शस्त्रवाहतूक केली जाते त्या बंदराला लक्ष्य करण्यात आल्याची प्रतिक्रिया इस्रायलाच्या नौदल अधिकाऱ्यांनी दिली आहे.
