गाझात ४ दिवसांचा युद्धविराम, ५० ओलिसांच्या सुटकेसाठी इस्रायल-हमासमध्ये करार

इस्रायलमधील स्थानिक वेळेनुसार मंगळवारी रात्री ८ वाजता इमस्रायली मंत्रिमंडळाची बैठक पार पडली. या बैठकीत हमासबरोबरच्या एका कराराला मंजुरी देण्यात आली आहे. एएफपी या वृत्तसंस्थेने या बैठकीबाबतचं वृत्त प्रसिद्ध केलं आहे. तर टाईम्स ऑफ इस्रायलने प्रसिद्ध केलेल्या वृत्तानुसार येत्या चार ते पाच दिवसांमध्ये हमास ओलीस ठेवलेल्या इस्रायली नागरिकांपैकी ३० हून अधिक लहान मुलं आणि त्यांच्या माता मिळून ५० जणांची सुटका करेल. इस्रायली माध्यमांनी दिलेल्या माहितीनुसार हा करार पूर्णपणे लहान मुलं आणि ओलीस ठेवलेल्या महिलांशी संबंधित आहे.

आणखी वाचा

इस्रायल-हमास युद्धविरामास सहमती; १५ महिन्यांनंतर गाझामधील संघर्ष थांबणार

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

पंतप्रधान नरेंद्र मोदी आज मुंबईत; महायुतीच्या आमदारांशी साधणार संवाद

साहित्याच्या मांडवात राजकारण्यांची ‘सरबराई’!

इस्रायल-हमासमधील युद्ध आज थांबणार? कतारचे मध्यस्थीचे प्रयत्न; युद्धबंदीसाठी प्रस्ताव

‘महाकुंभ’ आज पासून ; पौष पौर्णिमेनिमित्त पहिले शाही स्नान; ४५ दिवस प्रयागराजमध्ये भक्तांचा महासागर

संसदीय समितीची वादळी बैठक ,‘एक देश एक निवडणूक’ मुद्द्यावर विरोधक आक्रमक

कोणत्याही दुय्यम निबंधक कार्यालयात दस्तनोंदणी, मुख्यमंत्री देवेंद्र फडणवीस यांची घोषणा

या करारानुसार आता हमास ५० ओलिसांची सुटका करेल आणि त्या बदल्यात इस्रायलचं सरकार पॅलेस्टिनी कैद्यांची सुटका करेल. गेल्या एका आठवडयापासून अमेरिका आणि कतार हे दोन्ही देश या तहासाठी प्रयत्नशील होते. ओलिसांची आणि कैद्यांची सुटका करण्यासाठी चार दिवसांच्या युद्धविरामाला मंजुरी देण्यात आली आहे.

हे ही वाचा >> इस्रायली फौजांकडून गाझातील आणखी एक रुग्णालय लक्ष्य

इस्रायलचे पंतप्रधान बिन्यामिन नेतान्याहू यांनी मंगळवारी संध्याकाळी उशिरा युद्धकालीन मंत्रिमंडळाची बैठक बोलावली. ही बैठक बोलावण्यापूर्वी नेतान्याहू यांनी त्यांच्या मंत्रिमंडळातील सहकाऱ्यांशी आणि सुरक्षा अधिकाऱ्यांशी सल्लामसलत केली. सर्वांच्या संमतीनंतर आता या कराराला मंजुरी मिळाली आहे. ७ ऑक्टोबरपासून चालू असलेलं हे युद्ध थांबावा यासाठी आंतरराष्ट्रीय स्तरावर मोठे प्रयत्न करण्यात आले. युद्धविरामासाठी आतापर्यंत मिळालेले हे सर्वात सकारात्मक संकेत असल्याचं सांगितलं जात आहे. या युद्धाने आतापर्यंत १३ हजारांपेक्षा जास्त सामान्य पॅलेस्टिनी नागरिकांचा बळी घेतला आहे. यामध्ये साडेपाच हजारांपेक्षा जास्त लहान मुलांचा समावेश आहे.