Israel : भारताचा जगभर डंका; मेट्रोच्या निर्मितीसाठी इस्रायलने मागितली मदत

दी इंडियन एक्सप्रेसला दिलेल्या मुलाखतीत रुवेन अझर म्हणाले, “तेल अविवमध्ये मेट्रोच्या निर्मितीसाठी आम्ही आंतरराष्ट्रीय कंपन्यांना आकर्षित करण्याचा प्रयत्न करत आहोत. ज्या कंपन्या कमी खर्चात उत्तम दर्जाची मेट्रो सेवा निर्माण करू शकतात अशा कंपन्यांकडे आमचं लक्ष आहे. भारताकडे ही क्षमता आहे. भारत अनेक वर्षांपासून वेगवेगळ्या क्षेत्रांमध्ये आमचा भागीदार राहिला आहे. भारतात रस्ते, विमानतळं, बंदरांशिवाय हजारो किलोमीटर लांबीच्या मेट्रो प्रकल्पांवर काम केलं जात आहे. त्यामुळे आमचं भारतातील कंपन्यांकडे लक्ष आहे”.

आणखी वाचा

हमास-इस्रायल दरम्यान गाझात युद्धविराम… पश्चिम आशियात आता तरी शांतता नांदेल?

क्रिकेटपटू रिंकू सिंहचं खासदार प्रिया सरोजशी लग्न ठरलं;…

इस्रायल-हमास युद्धविरामास सहमती; १५ महिन्यांनंतर गाझामधील संघर्ष थांबणार

Dhananjay Munde : “…मग धनंजय मुंडेंवर अन्याय का?”, PM मोदींच्या कार्यक्रमापासून दूर ठेवल्याच्या मुद्यावर राऊतांचा थेट सवाल

इस्रायल-हमासमधील युद्ध आज थांबणार? कतारचे मध्यस्थीचे प्रयत्न; युद्धबंदीसाठी प्रस्ताव

हरसूल, त्र्यंबकेश्वर भागात घरफोडी करणारी टोळी ताब्यात

Amit Shah : अमित शाह यांची टीका, “सत्तेसाठी गद्दारी करणाऱ्या उद्धव ठाकरेंना महाराष्ट्राच्या जनतेने…”

‘झेड मोढ’ बोगद्याभोवती सुरक्षा व्यवस्थेत वाढ; पंतप्रधान मोदी यांच्या हस्ते उद्या उद्घाटनाची शक्यता

हे ही वाचा >> “आम्ही भारतात जिवंत परत येऊ असं वाटलं नव्हतं”; रशिया-युक्रेन युद्धात लढलेल्या कर्नाटकच्या तिघांनी सांगितली आपबीती!

इस्रायलला भारताकडून मदतीची अपेक्षा

गेल्या अनेक दशकांच्या इतिहासात पहिल्यांदाच असं घडलंय की इस्रायल त्यांच्या देशातील निर्मिती क्षेत्रातील कामासाठी भारताकडे मदत मागतोय. गेल्या वर्षी ऑक्टोबर महिन्यात हमासने इस्रायलवर हल्ला केल्यानंतर इस्रायलने पॅलेस्टिनी कामगार व मजुरांवर निर्बंध घातले आहेत. त्या पार्श्वभूमीवर तिथले अनेक प्रकल्प मजुरांअभावी खोळंबले आहेत. अशात त्यांना या आघाडीवरही भारताकडून मदतीची अपेक्षा आहे.

यावेळी रुवेन अझर यांनी इस्रायल-भारत संबंध, संरक्षण व सुरक्षा, कृषी व पाणी, इनोव्हेशन व स्टार्ट-अप्स, बांधकाम क्षेत्रासह वेगवेगळ्या क्षेत्रातील उभय देशांमधील भागीदाऱ्यांवर प्रकाश टाकला. तसेच ते म्हणाले, सेमीकंडक्टर्स व सायबर सुरक्षेच्या क्षेत्रात परस्पर सहकार्याची आपल्याला निश्चित आवश्यकता आहे.

हे ही वाचा >> Faridabad : Video : पाण्याचा अंदाज न आल्याने गाडी पाण्यात घातली अन् घडली दुर्दैवी घटना; बँकेच्या मनेजरसह एकाचा बुडून मृत्यू

गाझामधील युद्धावरही केलं भाष्य

इस्रायल हमास युद्धावर बोलताना रुवेन अझर म्हणाले, भारताने या युद्धाबाबत काय निर्णय घ्यायचा तो त्यांचा अंतर्गत प्रश्न आहे. कुठपर्यंत या युद्धात सहभागी व्हायचं ते त्यांचं नेतृत्व ठरवेल. पश्चिम आशियात त्यांच्या भूमिकेला महत्त्व मिळू लागलं आहे. भारत त्यांच्या भूमिकेद्वरे आमच्या भागात (पश्चिम आशिया) स्थिरता आणि समृद्धी आणू शकतो”.