लेबनॉनशी युद्धविरामाची अमेरिकेची सूचना इस्रायलनं फेटाळली; सर्वशक्तिनिशी हेजबोलाशी लढण्याचे लष्कराला आदेश!

‘द इंडियन एक्सप्रेस’ने दिलेल्या वृत्तानुसार, इस्रायलचे परराष्ट्र मंत्री कॅटझ यांनी एक्स या समाज माध्यमावर पोस्ट करत यासंदर्भात प्रतिक्रिया दिली आहे. अमेरिका आणि फ्रान्सने युद्धाविराम करण्यासंदर्भात दिलेला प्रस्ताव इस्रायलने फेटाळला आहे. जोपर्यंत हेजबोलाला संपवण्याचं आमचं लक्ष्य पूर्ण होणार नाही, तोपर्यंत उत्तर लेबनॉनवरील आमचे हल्ले सुरु राहतील. हेजबोलाशी आम्ही सर्वशक्तिनिशी लढत राहू, असे ते म्हणाले.

हेही वाचा – Putin issues nuclear warning: पुतिन यांची अणुयुद्धाची धमकी, युक्रेनच्या हल्ल्यानंतर संतापले; इस्रायलही लेबनानवर धडक देणार

अमेरिका आणि फ्रान्सने दिला होता युद्धविरामाचा प्रस्ताव

अमेरिका आणि फ्रान्सने लेबनॉनवरील हल्ले थांबवण्याचा प्रस्ताव इस्रायल सरकारला दिला होता. युद्धविराम घोषित करून चर्चेतून मार्ग काढावा, अशी विनंती दोन्ही देशाकडून करण्यात आली होती. या प्रस्तावाला ऑस्ट्रेलिया, कॅनडा, सौदी अरेबिया तसेच काही युरोपीय देशांनी समर्थन दिलं होतं. मात्र, आता इस्रायलने हा प्रस्ताव नाकारला.

हेही वाचा – Israeli vs Lebanon : इस्रायलचा लेबनॉनवर एअर स्ट्राईक, ४९२ जण ठार, १६४५ जखमी; हेझबोलाला नेस्तनाबूत करण्यासाठी नेतन्याहूंची योजना तयार, आता थेट…

इस्रायलच्या हल्ल्यात ६०० पेक्षा जास्त हेजबोलाच्या सैनिकांचा मृत्यू

दरम्यान, इस्रायल आणि लेबनॉन २००६ पासून एकमेकांवर हल्ले करत आहेत. गेल्या आठवड्यात लेबनॉनमध्ये झालेल्या पेजरच्या स्फोटानंतर हा हल्ल्यांमध्ये मोठ्या प्रमाणात वाढ झाली आहे. पेजरच्या स्फोटानंतर लेबनॉननेही इस्रायलवर क्षेपणास्र डागली होती. त्यानंतर प्रत्युत्तर म्हणून इस्रायलनेही लेबनॉनवर हल्ला केला. या हल्ल्यांमध्ये आतापर्यंत ६०० पेक्षा जास्त हेजबोलाच्या सैनिकांचा मृत्यू झाला आहे.

हेही वाचा – Who is Rinson Jose: लेबनान पेजर स्फोटाचं केरळ कनेक्शन! भारतीय वंशाचा ‘हा’ नागरिक चर्चेत येण्याचं कारण काय?

इस्रायलचं सैन्य सीमेवरून लेबनॉनमध्ये शिरणार?

इस्रायलचे पंतप्रधान बिन्यामिन नेतन्याहू यांनी लेबनॉनला लागून असलेल्या इस्रायलच्या सीमवर्ती भागातील लोकांना घरं रिकामी करण्यास सांगितलं आहे. त्यामुळे इस्रायली लष्कर जमिनी कारवाई करण्याच्या तयारीत असल्याची चर्चा चालू आहे.