Gaza Attack : इस्रायलच्या हवाई हल्ल्यात अन्नपुरवठा करणाऱ्या संस्थेचे ७ स्वयंसेवक ठार

अँड्रेस यांनी समाजमाध्यमांवर पोस्ट करण्यापूर्वी गाझाच्या आरोग्य मंत्रालयाने सांगितलं होतं की, इस्रायली हल्ल्यावेळी एक वाहन लक्ष्य बनलं असून यामध्ये सात परदेशी नागरिक ठार झाले आहेत. तसेच या वाहनाचा पॅलेस्टिनी चालकदेखील मृत्यूमुखी पडला आहे. या आठही जणांचे मृतदेह गाझामधील देर अल-बलाह येथील रुग्णालयात ठेवण्यात आले आहेत. स्वयंसेवी संस्थेच्या बचाव पथकातील सात जण ठार झाले आहेत. यापैकी एकजण ब्रिटिश, एक ऑस्ट्रेलियन आणि एक पोलिस नागरिक आहे. इतर सहकारी कोणत्या देशाचे नागरिक होते ते अद्याप समजू शकलं नाही. तसेच या हल्ल्यात ठार झालेली आठवी व्यक्ती म्हणजे त्या वाहनाचा चालक आणि दुभाषी होता. हा चालक पॅलेस्टिनी होता.

आणखी वाचा

Benjamin Netanyahu: इस्रायलचे पंतप्रधान नेतान्याहू यांच्या घरावर बॉम्बहल्ला; संरक्षण मंत्री म्हणाले, “शत्रूंनी….”

Nana Patole : निकालाआधी राजकीय घडामोडींना वेग; यातच…

अमित शहांच्या गडचिरोली दौऱ्याआधी भामरागडमध्ये बॉम्बस्फोट, सुदैवाने…

उलटा चष्मा : तपासण्यांची उड्डाणे

एका रात्रीत ८०० मंड्यम अय्यंगारांची हत्या; ‘नरक चतुर्दशी’ हा दिवस शोकदिवस का ठरला?

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

नवी मुंबईच्या औद्योगिक पट्ट्यातीलही भूखंड खासगी विकासकाकडे!

इस्रायली सैन्याने या घटनेनंतर एक निवेदन जारी केलं आहे. IDF ने निवेदनात म्हटलं आहे की, या दुःखद घटनेमागची परिस्थिती जाणून घेण्यासाठी आणि यामध्ये कोणाची चूक आहे हे शोधण्यासाठी उच्चस्तरीच चौकशी समिती नेमली असून आम्ही या घटनेचा आढावा घेत आहोत.

हे ही वाचा >> कच्चथिवू बेटाच्या वादावर श्रीलंकेचं पहिलं भाष्य; मंत्री म्हणाले, “फक्त सरकार बदललं म्हणून…!”

ऑस्ट्रेलियाच्या परराष्ट्र आणि व्यापार विभागाने या घटनेबाबत म्हटलं आहे की, “आम्ही सध्या गाझामध्ये झालेल्या इस्रायली सैन्याच्या हल्ल्यात बचाव पथकातील ऑस्ट्रेलियन कर्मचारी ठार झाल्याच्या वृत्ताची पुष्टी करण्याचा प्रयत्न करत आहोत. आतापर्यंत मिळालेली माहिती अस्वस्थ करणारी आहे.” वर्ल्ड सेंट्रल किचन ही स्वयंसेवी संस्था सायप्रसहून बोटीद्वारे गाझात मदत पोहोचवण्याचं काम करत होती.