Israeli PM Netanyahu at UN Shows India map as Blessing : गेल्या वर्षभरापासून इस्रायल व पॅलेस्टाईनमधील दहशतवादी संघटना हमासमध्ये युद्ध चालू आहे. लेबनॉनमधील दहशतवादी संघटना हेझबोलाने काही महिन्यांपूर्वी या युद्धात उडी घेतली आहे. त्यामुळे इस्रायली सैन्य एकाच वेळी हमास व हेझबोलाशी दोन हात करत आहे. अशातच इस्रायलचे पंतप्रधान बिन्यामिन नेतान्याहू यांनी रविवारी (२९ सप्टेंबर) संयुक्त राष्ट्रांच्या महासभेच्या म्हणजेच यूएनजीएच्या ७९ व्या सत्राला संबोधित केलं. महासभेला संबोधित करताना नेतान्याहू यांनी मध्य-पूर्वेत चालू असलेल्या संघर्षासाठी इराणला जबाबदार ठरवलं. तसेच यावेळी त्यांनी दोन नकाशे दाखवले. दोन्ही नकाशांमध्ये वेगवेगळ्या देशांचे समूह रेखाटण्यात आले होते. यापैकी पहिल्या नकाशात इराणसह इतर काही देश दिसत होते. या देशांना त्यांनी The Curse (अभिशाप) म्हटलं आहे. तर दुसऱ्या नकाशात भारतासह इतर काही देश दाखवण्यात आले आहेत. या देशांना नेतान्याहू यांनी The Blessing (आशीर्वाद) म्हटलं आहे. नेतान्याहू यांचं भाषण व त्यांनी या भाषणादरम्यान दाखवलेल्या नकाशांचे फोटो समाजमाध्यमांवर व्हायरल होत आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
