आयकर विभागाकडून ‘आप’ला ३० कोटींची नोटीस

या नोटीसमध्ये म्हटल्याप्रमाणे ‘आप’ने आपले १३.१६ कोटींचे उत्त्पन्न लपवून ठेवले. २०१४-१५ या आर्थिक वर्षात आपचे एकूण करपात्र उत्त्पन्न ६८.४४ कोटी इतके होते. मात्र, ‘आप’ने देणग्यांपोटी बँक खात्यात जमा झालेली रक्कम उत्त्पन्नात दाखवली नसल्याचे आयकर विभागाचे म्हणणे आहे. ‘आप’ला एकूण ४२६ देणगीदारांकडून ६.२६ कोटी इतकी रक्कम मिळाली होती. याशिवाय, ‘आप’ने आपल्या संकेतस्थळावर त्यांना मिळालेल्या ३६.९५ कोटी कोटींच्या रकमेची माहिती प्रसिद्ध केली नव्हती. याविषयी वारंवार स्पष्टीकरण मागूनही ‘आप’ने त्याला उत्तर दिले नव्हते. त्यामुळे ‘आप’विरुद्ध दंडात्मक कारवाई करण्यात आली, असे अधिकाऱ्यांनी सांगितले.