Jammu and Kashmir: गेल्या काही महिन्यांपासून जम्मू-काश्मीरमध्ये सातत्याने दहशतवाही हल्ल्याच्या घटना समोर येत आहे. अनेकदा दहशतवादी आणि भारतीय जवानामध्ये चकमकीच्या घटनाही समोर आल्या आहेत. काही दिवसांपूर्वी दहशतवाद्यांनी दोन जवानाचं अपहरण केल्याची घटना घडली होती. यानंतर आता पुन्हा एकदा दहशतवाद्यांनी गोळीबार करत सात जणांची हत्या केल्याची माहिती समोर आली आहे.
जम्मू-काश्मीरमधील गांदरबल जिल्ह्यातील गगनगीर भागात दहशतवाद्यांनी काही स्थलांतरित नागरिकांवर रविवारी रात्री हल्ला केला. या हल्ल्यात सात कामगारांना जागीच मृत्यू झाला आहे. यामध्ये एका डॉक्टराचाही सहभाग आहे. तसेच या घटनेत अनेक जण जखमी झाल्याचे वृत्तही समोर येत आहे. दरम्यान, हे कामगार बोगद्याच्या प्रकल्पात काम करत होते. काम करत असतानाच हा हल्ला झाल्याचं सांगितलं जातं.
या घटनेची माहिती देताना अधिकाऱ्यांनी सांगितलं की, जम्मू-काश्मीरमधील गांदरबल जिल्ह्यातील गगनगीर भागात रविवारी संध्याकाळी काही स्थलांतरित कामगारांची दहशतवाद्यांनी गोळ्या झाडून हत्या केली. हा हल्ला एका बांधकाम सुरू असलेल्या बोगद्याजवळ झाला. त्यानंतर सुरक्षा दलांनी हल्ल्याच्या ठिकाणी पोहोचून परिसरात सुरक्षा वाढवण्यात आली आहे. यासंदर्भातील वृत्त इंडिया टुडेनी दिलं आहे.
J&K CM Omar Abdullah tweets, "Very sad news of a dastardly & cowardly attack on non-local labourers at Gagangir in Sonamarg region. These people were working on a key infrastructure project in the area. 2 have been killed & 2-3 more have been injured in this militant attack. I… https://t.co/lyxI5KubPk pic.twitter.com/PdTirB47Bj
— ANI (@ANI) October 20, 2024
प्राथमिक अहवालानुसार, हल्ले झालेले कामगार हे मध्य काश्मीरच्या गांदरबल जिल्ह्यातील गगनीरला सोनमर्गला जोडणाऱ्या झेड मोर बोगद्यावर काम करणाऱ्या बांधकाम टीमचा भाग होते. १८ ऑक्टोबर रोजी शोपियान जिल्ह्यात बिहारमधील एका स्थलांतरित कामगाराची दहशतवाद्यांनी हत्या केली होती. त्या घटनेनंतर आज पुन्हा एकदा सात स्थलांतरित कामगारांची दहशतवाद्यांनी गोळ्या झाडून हत्या केली. या घटनेनंतर स्थानिकांना या कामगारांचा गोळ्यांनी छिन्नविच्छिन्न केलेले मृतदेह आढळून आले. त्यानंतर ही माहिती सुरक्षा रक्षकांना देण्यात आली.
#WATCH | J&K: Terror incident in Gagangeer, Ganderbal. The area was cordoned off by security forces. Further details shall follow: Kashmir Zone Police
— ANI (@ANI) October 20, 2024
(Visuals deferred by unspecified time) pic.twitter.com/6ySgcrqZ79
दरम्यान, या घटनेनंतर लगेचच सुरक्षा दलांनी संपूर्ण परिसराला वेढा घातला असून हल्लेखोरांना लवकरात लवकर पकडता यावे, यासाठी शोध मोहीम राबवली जात आहे. या घटनेवर मुख्यमंत्री ओमर अब्दुल्ला यांनी शोक व्यक्त केला. ते म्हणाले की, “मी या हल्ल्याचा तीव्र शब्दात निषेध करतो आणि पीडितांच्या कुटुंबियांप्रती संवेदना व्यक्त करतो.”
अमित शाह यांचा कारवाईचा इशारा
“जम्मू-काश्मीरमधील गांदरबल जिल्ह्यातील गंगानगीरमध्ये नागरिकांवर झालेला दहशतवादी हल्ला हे भ्याड आणि घृणास्पद कृत्य आहे. या घृणास्पद कृत्यात सहभागी असलेल्यांना सोडले जाणार नाही आणि त्यांना आमच्या सुरक्षा दलांकडून जोरदार प्रत्युत्तर दिले जाईल. या दुःखाच्या प्रसंगी मी मृतांच्या कुटुंबियांप्रती मनापासून संवेदना व्यक्त करतो. जखमींच्या लवकरात लवकर बरे होण्यासाठी मी प्रार्थना करतो”, असं अमित शाह यांनी म्हटलं आहे.
