Jammu Kashmir Elections 2024 3rd Phase Voting Live Updates : जम्मू-काश्मीर विधानसभेच्या निवडणुकीची रणधुमाळी सुरु असून आज (१ ऑक्टोबर) तिसऱ्या टप्प्यासाठी मतदान होत आहे. या राज्यात याआधी दोन टप्प्यांमध्ये मतदान झालेलं आहे. दरम्यान, या निवडणुकीसाठी भारतीय जनता पक्ष, काँग्रेस, नॅशनल कॉन्फरन्स व पीडीपीसह सर्वच राजकीय पक्षांनी कंबर कसली आहे. या विधानसभेच्या निवडणुकीत सज्जाद लोन यांच्या पीपल्स कॉन्फरन्स आणि इंजिनियर रशीद यांच्या नेतृत्वाखालील अवामी इत्तेहाद पार्टी (एआयपी) या पक्षांचे भवितव्य देखील ठरवण्यासाठी १ ऑक्टोबर रोजी होणाऱ्या निवडणुकीचा तिसरा आणि अंतिम टप्पा महत्त्वाचा ठरणार आहे. या तिसऱ्या टप्प्यात विधानसभेच्या एकूण ४० जागांसाठी मतदान सुरू झालं आहे.

Live Updates

Jammu Kashmir Elections 2024 Phase 3 Live Voting Updates : जम्मू काश्मीर विधानसभा निवडणुकीच्या तिसऱ्या टप्प्यातील मतदानाचे अपडेट्स एकाच क्लिकवर…

12:43 (IST) 1 Oct 2024
J&K Assembly Elections 2024 Live : उधमपूरमध्ये सर्वाधिक ३४ टक्के मतदान

जम्मू-काश्मीर विधानसभा निवडणुकीच्या तिसऱ्या व अंतिम टप्प्यात सात जिल्ह्यांमधील ४० मतदारसंघांमध्ये मतदानाची प्रक्रिया चालू आहे. सकाळी ११ वाजेपर्यंत २८.१२ टक्के मतदानाची नोंद जाली आहे. सांबा (३१.७८ टक्के) व उधमपूरमध्ये (३३.८४ टक्के) सर्वाधिक मतदानाची नोंद झाली आहे.

12:05 (IST) 1 Oct 2024
जम्मू-काश्मीर निवडणूक : सकाळी ११ वाजेपर्यंत २८ टक्के मतदान

जम्मू काश्मीरमध्ये विधानसभा निवडणुकीच्या तिसऱ्या टप्प्यातील मतदान चालू असून सकाळी ११ वाजेपर्यंत २८.१२ टक्के मतदान झालं आहे.

11:44 (IST) 1 Oct 2024
घराबाहेर पडा, INDIA ला मतदान करा; राहुल गांधींचं आवाहन

घराबाहेर पडून इंडिया आघाडीला मतदान करा, असं आवाहन काँग्रेस खासदार राहुल गांधी यांनी जम्मू-काश्मीरमधील जनतेला केलं आहे.

09:56 (IST) 1 Oct 2024
सकाळी ९ वाजेपर्यंत ११ टक्के मतदान

जम्मू-काश्मीरमधील ४० जागांवर मतदान चालू असून सकाळी ११ वाजेपर्यंत ११.०६ टक्के मतदान झालं आहे.

08:03 (IST) 1 Oct 2024
गुलाम नबी आझाद यांनी मतदानाचा हक्क बजावला

डेमोक्रेटिक प्रोग्रेसिव्ह आजाद पार्टीचे अध्यक्ष गुलाम नबी आझाद यांनी बजावला मतदानाचा हक्क

08:01 (IST) 1 Oct 2024
पंतप्रधान मोदींकडून मतदारांना मतदान करण्याचं आवाहन

08:00 (IST) 1 Oct 2024
मतदान केंद्रांवर नागरिकांच्या रांगा