जम्मू काश्मीरमध्ये हिज्बुलच्या तीन दहशतवाद्यांचा खात्मा

जम्मू काश्मीरमध्ये पोलिसांनी आणि सुरक्षा दलांनी केलेल्या कारवाईत तीन दहशतवाद्यांचा खात्मा करण्यात आला आहे. शोपियाँ सेक्टर येथील शेरमल या ठिकाणी ही कारवाई करण्यात आली. शमशूल हक, आमिर सुशील भट आणि शोएब अहमद शाह अशी ठार करण्यात आलेल्या तिघांची नावं आहेत. हे तिघेही पोलीस रेकॉर्डवर नोंद असलेले दहशतवादी होते असेही स्पष्ट होते. तसेच हे तिघेही हिज्बुल मुजाहिद्दीन या दहशतवादी संघटनेसाठी काम करत होते असेही पोलिसांनी म्हटले आहे. एएनआय या वृत्तसंस्थेने या संदर्भातले वृत्त दिले आहे.