कर्नाटकमध्ये भाजपला विरोधी पक्षनेतेपद मिळणार

कर्नाटकमधील भाजपचे बंडखोर नेते बी. एस . येडियुरप्पा स्वगृही परतण्याची औपचारिक प्रक्रिया आता सुरू झाली आहे. आपल्या कर्नाटक जनता पक्षाचे (केजेपी) भाजपमध्ये विलीनीकरण करण्याबाबतचा प्रस्ताव माजी मुख्यमंत्री येडियुरप्पा यांनी कर्नाटक विधानसभा अध्यक्षांकडे शुक्रवारी दिला. त्यामुळे जद(एस)ला कर्नाटक विधानसभेतील प्रमुख विरोधी पक्ष या दर्जावर पाणी सोडावे लागणार आहे. येडियुरप्पा यांनी शुक्रवारी कर्नाटक जनता पक्षाचे आमदार यू. बी. बँकर, यू. बी. पाटील आणि जी. नागमरापल्ली यांच्यासमवेत विधानसभा अध्यक्ष के. थिमाप्पा यांची भेट घेतली आणि आपल्या पक्षाचे भाजपमध्ये विलीनीकरण करण्याबाबतचे पत्र त्यांना दिले.