“लोकसभेत माझे प्रश्न मी विचारत नाही”, महुआ मोईत्रांवरील कारवाईनंतर जेडीयू खासदाराचं वक्तव्य; ओम बिर्लांकडून कारवाईचा इशारा

दरम्यान, महुआ मोईत्रा यांच्या बचावासाठी वेगवेगळे पक्ष उभे राहिले आहेत. जनता दल युनायटेडचे खासदार गिरधारी यादव यांनीदेखील लोकसभेत यावर भाष्य केलं. बिहारच्या बांका मतदार संघाचे खासदार गिरधारी यादव लोकसभा अध्यक्षांसमोर म्हणाले, माझा पीए (स्वीय सहाय्यक) लोकसभेत प्रश्न विचारतो. माझा प्रश्न मी स्वतः लिहित नाही. हे सगळं काम माझा स्वीय सहाय्यक करतो. गिरधारी यादव यांच्या या वक्तव्यानंतर ओम बिर्ला संतापले आणि त्यांनी यादव यांच्यावर कारवाई करण्याचा इशारा दिला.

आणखी वाचा

“महेश लांडगे यांचा कुणी बालही बाका करू शकत नाही”, असं देवेंद्र फडणवीस का म्हणाले?

महायुतीला सत्ता मिळाली, लाडक्या बहिणींना २१०० रुपये कधीपासून…

“आजवर काय केले तेही सांगत नाही अन् पुढे काय करणार ते पण बोलत नाही,” चर्चेतील टीका

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

“पंतप्रधान मोदी यांची महाराष्ट्राला सावत्र वागणूक,” संजय सिंह यांचा आरोप

“त्यांच्या आधी माझी बॅग तपासली, केवळ भांडवल…”, उपमुख्यमंत्री देवेंद्र फडणवीस यांचे टीकास्त्र

फोडाफोडीच्या राजकारणामुळे फडणवीसांची विश्वसनीयता कमी; सुप्रिया सुळे

गिरधारी यादव म्हणाले, मला तर माझा पासवर्डसुद्धा आठवत नाही. ते सगळं काम माझ्या स्वीय सहाय्यकाकडे असतं. यावेळी मी भितीपोटी एकही प्रश्न विचारला नाही. कारण मला वाटत होतं की, काही विचारलं तर काय होईल काही सांगता येत नाही. माझा सहाय्यक माझे प्रश्न विचारतो. मी कधीच माझा प्रश्न बनवत नाही. माझ्याप्रमाणेच असे अनेक खासदार आहेत जे स्वतःचे प्रश्न स्वतः लिहित नाहीत.

हे ही वाचा >> खासदार महुआ मोईत्रा लोकसभेतून बडतर्फ; समितीचा अहवाल येताच काही तासांतच निर्णय

खासदार यादव म्हणाले, लोकशाहीत आम्हाला घाबरवलं जातंय. मला कॉम्यूटर वापरता येत नाही. मी तिसऱ्यांदा खासदार झालोय. त्याआधी चार वेळा आमदार होतो. म्हातारपणी मी हे सगळं शिकू शकतो का? या वयात हे सगळं शिकणं वगैरे मला शक्य नाही. त्यामुळे मी प्रश्नच विचारले नाहीत. आता आम्हाला हे सगळं नाही येत तर नाही येत. सर्वांसाठी वेगवेगळे कायदे कशासाठी? भाजपा मनुस्मृती लागू करण्याच्या प्रयत्नात आहे.