जेट एअरवेजने कापले भांडकुदळ वैमानिकांचे पंख, दोघांचीही हकालपट्टी

मुख्य वैमानिक गेल्या १० वर्षांपासून ‘जेट एअरवेज’मध्ये काम करत आहे. संबंधित महिला सह-वैमानिकाशी त्याचा यापूर्वीही वाद झाला होता, अशी माहिती समोर येत आहे. या प्रकरणाची माहिती नागरी ‘नागरी उड्डाण महासंचालनालया’ला (डीजीसीए) देण्यात आली असून या प्रकरणी ‘जेट’ने चौकशी सुरु केली होती. मुख्य वैमानिकाने मारहाण केल्यानंतर महिला सह वैमानिक कॉकपीटमधून बाहेर आली होती. शेवटी मुख्य वैमानिकाने तिची मनधरणी केली आणि दोन्ही वैमानिक पुन्हा कॉकपीटमध्ये गेले. दोन्ही वैमानिकांनी प्रवासादरम्यानच कॉकपीटमधून बाहेर येणे, हा गंभीर प्रकार असल्याचे एका अधिकाऱ्याने सांगितले.

आणखी वाचा

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

आकाशात झेपावलेल्या विमानात बॉम्ब ठेवल्याचा फोन अन्…

वाढत्या विमान धमक्यांचा ५१० उड्डाणांवर परिणाम…धमकीखोरांच्या बंदोबस्तासाठी कोणत्या उपाययोजना? किती परिणामकारक?

विस्तारा’च्या विलीनीकरणातून एअर इंडियाच्या सेवेत विस्तार; विमानांचा ताफा ३०० वर, तर साप्ताहिक उड्डाणे ८,५०० वर

भरधाव ट्रकच्या धडकेत टोलवसुली कर्मचारी ठार 

पुणे: विधानसभा निवडणुकीच्या पार्श्वभूमीवर सराइतांकडून चार पिस्तुले जप्त, पोलिसांकडून तिघे अटकेत

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

इतकेच नाही तर आणखी एका समोर आलेल्या माहितीनुसार हे दोघे म्हणजे वैमानिक आणि त्याची महिला सहकारी असलेली सहवैमानिक पती-पत्नी असल्याचचेही समोर आले होते. या दोघांचा भांडणामुळे एक-दोन नाही ३२४ प्रवाशांचा जीव काही काळासाठी टांगणीला लागला होता. भांडण करताना हे दोघेही दोनवेळा कॉकपीटच्या बाहेर आले होते. त्यामुळे प्रवाशांची चांगलीच घाबरगुंडी उडाली होती. काही मिनिटांमध्ये या दोघांचे भांडण मिटले मात्र तोपर्यंत प्रवासी प्रचंड चिंतेत बुडाले होते. या दोघांचे भांडण समजल्यावर त्यांचे निलंबन करण्यात आले होते. आता मात्र या दोघांचीही जेट एअरवेजमधून हकालपट्टी करण्यात आल्याची माहिती समोर आली आहे. टाइम्स ऑफ इंडियाने यासंदर्भातले वृत्त दिले आहे.