झारखंडमधील लटेहर जिल्ह्यात शनिवारी सुरक्षा रक्षक आणि नक्षलवाद्यांमध्ये झालेल्या चकमकीत दोन नक्षलवाद्यांना कंठस्नान घालण्यात यश मिळाले आहे. यावेळी चकमकीदरम्यान एक महिला नक्षलवादी जखमी झाल्याची माहिती पोलिसांनी दिली आहे.
 लाटेहर सदर पोलिस ठाण्यापासून आठ किमी अंतरावर असलेल्या जंगलात आज पहाटे दोन ते चार या वेळेत सुरक्षा रक्षक आणि माओवाद्यांमध्ये चकमक झाली.  जखमी नक्षलवादी महिलेला अटक करण्यात आली असून तिला उपचारासाठी रुग्णालयात दाखल करण्यात आल्याची माहिती अधिकारी अजय लिंडा यांनी दिली. सुरक्षा रक्षकांच्या गोळीबारानंतर सुमारे दहा माओवादी जंगलात पळून गेल्याचेही त्यांनी सांगितले.