‘जेएनयू’मधील देशविरोधी घोषणांना हाफिज सईदचे समर्थन- राजनाथ सिंह

जवाहरलाल नेहरु विश्वविद्यालयात पाकिस्तानच्या समर्थनार्थ केलेल्या घोषणाबाजीला लष्करे तैयबा या दहशतवादी संघटनेचा म्होरक्‍या हफीझ सईद याचा पाठिंबा होता, असे केंद्रीय गृहमंत्री राजनाथ सिंह यांनी आज सांगितले.
राजनाथ सिंह म्हणाले की, देशविरोधी घोषणाबाजी करून देशाच्या एकतेला आव्हान देण्याचा प्रयत्न करणाऱयांना आमचे सरकार माफ करणार नाही. जेएनयूमध्ये जे काही घडले त्याला हाफिज सईदचे समर्थन होते. हा प्रकार अत्यंत दुदैवी आहे. पण देशाने हे सत्य समजून घेण्याची आवश्‍यकता आहे. भारतविरोधी घोषणा दिल्या जात असताना सर्व देशाने त्याविरोधात एकत्र येणे आवश्‍यक आहे, असेही ते म्हणाले.