डॉक्टर तरूणीला बॉयफ्रेंड जौहरने भोसकून केलं ठार, जम्मूत रक्ताची होळी!

पोलिसांनी मृत महिलेची ओळख डॉ. सुमेधा शर्मा अशी सांगितली आहे. तिच्या वडिलांचं नाव कमल किशोर शर्मा असं आहे. सुमेधा ही तालाबा तिल्लो (जम्मू) येथील रहिवासी होती. तर तिचा खून करणारा आरोपी हा डोडा जिल्ह्यातील भद्रवाह गावचा रहिवासी असून त्याचं नाव जौहर गनई असं आहे. त्याच्या वडिलांचं नाव महमूद गनई असं सांगण्यात येतंय. त्याचं कुटुंब सध्या पंपोश कॉलोनी येथे राहात आहे.

आरोपीवर जम्मूतल्या शासकीय वैद्यकीय महाविद्यालयात उपचार

या घटनेची माहिती मिळताच पोलीस जौहरच्या जानीपूर येथील घरी पोहोचली. त्याच्या घराचं गेट बंद होतं. त्यानंतर पोलीस आत शिरले. तेव्हा तिथे डॉक्टर सुमेधाचा मृतदेह रक्ताने माखलेल्या अवस्थेत जमिनीवर पडलेला आढळला. तर आरोपी जौहरच्या शरीरावर जखमेच्या खुना होत्या. यानंतर पोलिसांनी जखमी जौहरला रुग्णालयात दाखल केलं. कायदेशीर प्रक्रिया पूर्ण करून पोलिसांनी सुमेधाचा मृतदेह तिच्या कुटुंबियांच्या हवाली केला. तर आरोपीवर रुग्णालयात उपचार सुरू आहेत. त्याच्यावर हत्येचा गुन्हा दाखल करण्यात आला आहे.

हे ही वाचा >> Love Jihad : “मंगलप्रभात लोढांनी माफी मागावी”, अबू आझमींची मागणी, गुलाबराव म्हणाले “माझ्या गावी चला…”

आधी हत्या मग आत्महत्येचा प्रयत्न

मृत सुमेधा शर्मा आणि आरोपी जौहर यांचं एकमेकांवर प्रेम होतं. दोघांनी जम्मूमधल्या दंत महाविद्यालयातून बीडीएसचं शिक्षण पूर्ण केलं होतं. सुमेधा सध्या जम्मू-काश्मीरच्या बाहेर असलेल्या एका कॉलेजमध्ये एमडीएसची तयारी करत होती. होळीनिमित्त ती तिच्या घरी आली होती. ७ मार्च रोजी ती तिचा बॉयफ्रेंड जौहरला भेटायला जानीपूर येथे गेली. तिथे दोघांमध्ये भांडण झालं. यावेळी जौहरने किचनमधील चाकूने भोसकून सुमेधाची हत्या केली. त्यानंतर त्याच चाकूने त्याने आत्महत्या करण्याचा प्रयत्न देखील केला. यावेळी तो जखमी झाला. पोलीस या प्रकरणाचा तपास करत आहेत.