‘जेएनयू’ विद्यार्थी संघटनेचा अध्यक्ष कन्हैया कुमारचे प्रतिपादन
मला कोणत्याही प्रकारची राजकीय महत्त्वाकांक्षा नाही आणि मी विद्यार्थीच आहे. मला राजकारणात येऊन निवडणूक लढवण्याची इच्छा नाही, असे दिल्लीच्या जवाहरलाल नेहरू विद्यापीठातील (जेएनयू) विद्यार्थी संघटनेचा नेता कन्हैया कुमार याने शुक्रवारी माध्यमांसमोर बोलताना स्पष्ट केले.
संसद हल्ल्यात दोषी ठरल्याने फाशी झालेला अफझल गुरू हा देशाचा नागरिक होता त्यामुळे त्याच्या फाशीच्या शिक्षेबाबत कायद्याच्या चौकटीत चर्चा करण्यात काही गैर नाही. अर्थात अफझल गुरू नव्हे तर हैदराबाद विद्यापीठातील आत्महत्या केलेला रोहित वेमुला हा माझा आदर्श आहे, असेही कुमार याने सांगितले.
देशातील नागरिकांनी मला मतदान केलेले नाही. तर जेएनयूतील विद्यार्थ्यांनी मला मते दिली आहेत. मी त्यांचा नेता आहे. त्यामुळे त्यांच्यासाठी आणि त्यांच्यापुरतेच बोलेन. माझे काम अभ्यास करणे आणि ज्यांना तो करता येत नाही त्यांच्यासाठी लढणे हे आहे, असे कुमार म्हणाला. हा लढा प्रदीर्घ काळ चालणारा आहे, म्हणून त्यात विजयी मोर्चा नाही तर ऐक्यतेचा मोर्चा आहे, असे तो म्हणाला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
