दिल्लीतील कंझावाला येथे कारखाली आलेल्या अंजली सिंग या २० वर्षीय तरुणीला चालकाने १२ किलोमीटर फरपटत नेलं होतं. या अपघातात अंजलीचा मृत्यू झाला होता. तसेच तिचा मृतदेह छिन्नविच्छिन्न अवस्थेत पोलिसांना आढळून आला होता. दरम्यान, या प्रकरणी पोलिसांनी मोठी कारवाई केली असून गाडी मालक आशुतोषला अटक करण्यात आली आहे. तसेच याप्रकरणी एकूण सहा जणांना अटक करण्यात आल्याची माहिती दिल्ली पोलिसांनी दिली आहे.
हेही वाचा – Delhi Accident: कंझावाला तरूणी अपघात आणि मृत्यू प्रकरणी पोलिसांनी तातडीने अहवाल सादर करावा-अमित शाह
आरोपींना वाचवण्याचा आशुतोषवर आरोप
दिल्ली पोलिसांनी दिलेल्या माहितीनुसार, आरोपी १ जानेवारी रोजी पहाटे ४ वाजून ३३ मिनिटांनी रोहिणीतील सेक्टर १ मध्ये पोहोचले होते. यावेळी आशुतोषही तिथे उपस्थित होता. आरोपींनी त्यापूर्वीच फोन करून आशुतोषला अपघाताबाबत माहिती दिली होती. त्यामुळे त्याने आरोपींना पळून जाण्यासाठी ऑटोची व्यवस्था करून दिली होती.
हेही वाचा – चीनमध्ये करोनाबाधितांच्या संख्येत मोठी वाढ; बीजिंगमध्ये रुग्णशय्या उपलब्ध नाहीत
”बलात्काराचे कोणतेही पुरावे नाही”
दरम्यान, याप्रकरणात एकूण सात आरोपींचा सहभाग असल्याची माहितीही दिल्ली पोलिसांकडून देण्यात आली आहे. तसेच यापैकी सहा आरोपींना अटक करण्यात आली असून एकाचा शोध सुरू असल्याचेही दिल्ली पोलिसांनी म्हटलं आहे. याबरोबरच बलात्काराचे कोणतेही पुरावे नाहीत, असेही दिल्ली पोलिसांकडून स्पष्ट करण्यात आले आहे.