Covid-19 पाठोपाठ JN1 ने चिंता वाढवली, कर्नाटकात तीन जेन.१ बाधित रुग्णांचा मृत्यू, देशभरात करोनाचे ४,०५४ रुग्ण

कर्नाटकात सोमवारी (२५ डिसेंबर) ३४ नव्या जेएन.१ बाधित रुग्णांची नोंद झाली आहे. . तसेच तीन रुग्णांचा मृत्यू झाला आहे.

भारतात जेएन.१ बाधित रुग्णांची संख्या वाढू लागली आहे.

करोना विषाणूने पुन्हा एकदा डोकं वर काढलं आहे. यावेळी करोनाचा नवीन उपप्रकार जेए.१ व्हेरिएंटमुळे आरोग्य यंत्रणेचे धाबे दणाणले आहेत. भारतात जेएन.१ बाधित रुग्णांची संख्या वाढू लागली आहे. सातत्याने देशाच्या वेगवेगळ्या भागात जेएन.१ बाधित रुग्ण आढळत आहेत. दरम्यान, कर्नाटकात सोमवारी (२५ डिसेंबर) ३४ नव्या जेएन.१ बाधित रुग्णांची नोंद झाली आहे. तसेच तीन रुग्णांचा मृत्यू झाला आहे. दुसऱ्या बाजूला कर्नाटकच्या शेजारी असलेल्या केरळमध्ये करोनाचा विस्फोट झाला आहे. केरळमध्ये दररोज शेकडो करोनाबाधित रुग्ण सापडत आहेत. सोमवारी राज्यात ११५ नवीन रुग्ण सापडले.

कर्नाटकच्या आरोग्य आणि कुटुंब कल्याण विभागाने दिलेल्या माहितीनुसार राज्यात जेएन.१ चे ३४ रुग्ण आढळले आहेत. याबैकी २० रुग्ण एकट्या बंगळुरू शहरात सापडले आहेत. तर चार रुग्ण म्हैसूर आणि तीन रुग्ण मांड्या येथे सापडले आहेत. रामनगर, बंगळुरू ग्रामीण, कोडागू आणि चामराजा नगरमध्ये प्रत्येकी एक जेएन.१ बाधित रुग्ण आढळला आहे. तसेच तीन रुग्णांचा उपचारांदरम्यान मृत्यू झाला आहे. केरळमध्ये गेल्या २४ तासांत ११५ नवीन करोनाबाधित रुग्ण आढळले आहेत. तसेच राज्यातील सक्रीय करोनाबाधित रुग्णांची संख्या १,७४९ वर पोहोचली आहे.

आणखी वाचा

patient dies due to negligence culpable homicide case registered against doctor

हलर्गजीपणामुळे रुग्णाचा मृत्यू; डॉक्टर विरोधात सदोष मनुष्यवधाचा गुन्हा दाखल

Ayurvedic Natural Remedies | Health Tips Ayurvedic Remedies

…तर औषधाची गरजच नाही! वाचा निरोगी आयुष्य जगण्यासाठी…

Two hundred patients of hair loss problem ICMR team in Shegaon

केसगळतीचे रुग्ण दोनशेच्या घरात; ‘आयसिएमआर’चे पथक शेगावात…

1.5 thousand people committed suicide in Vasai Bhayander in 5 years

५ वर्षात वसई, भाईंदर मध्ये दिड हजार जणांच्या आत्महत्या;२०२४ मध्ये गळाफास घेऊन सर्वाधिक आत्महत्या

Mumbai Nashik highway accident near Gogethar killed three including couple from Amalner

अमळनेरमधील दाम्पत्याचा शहापूरजवळील अपघातात मृत्यू

Hundreds of poor patients are receiving free dialysis services at health department hospitals

दुर्गम भागातील रुग्णांसाठी आरोग्य विभागाची ‘टेलीमेडिसिन’ सेवा ठरतेय संजीवनी! सव्वा लाख रुग्णांना झाला फायदा…

Makar Sankranti motorcyclist died after nylon manja got stuck in his neck

नाशिकमध्ये नायलाॅन मांजामुळे युवकाचा मृत्यू

‘HMPV’मुळे लहान मुलांना होऊ शकतो गंभीर आजार? तज्ज्ञ काय सांगतात? भारतातील स्थिती काय?

देशभरात रविवारी कोव्हिड-१९ चे ६५६ नवे रुग्ण आढळले आहेत. तसेच एका रुग्णाचा उपचारांदरम्यान मृत्यू झाला आहे. माय गव्हर्न्मेंट संकेतस्थळावरील माहितीनुसार सध्या देशात ४,०५४ सक्रीय करोनाबाधित रुग्ण आहेत. यापैकी सर्वाधिक रुग्ण केरळमध्ये आहेत. कर्नाटकमध्ये ३,१२८ सक्रीय करोनाबाधित रुग्ण आहेत. या यादीत महाराष्ट्र तिसऱ्या क्रमांकावर आहे. महाराष्ट्रात रविवारी ३५ आणि सोमवारी ५० नवे रुग्ण सापडले आहेत. यासह राज्यात सध्याच्या घडीला १५३ करोनाबाधित रुग्ण उपचार घेत आहेत.

महाराष्ट्राचे कृषीमंत्री धनंजय मुंडे यांना करोनाची लागण

महाराष्ट्राचे कृषीमंत्री धनंजय मुंडे यांनादेखील करोनाची लागण झाली असून त्यांना विलगीकरण कक्षात ठेवलं आहे. गेल्या पाच दिवसांपासून ते करोनावर उपचार घेत आहेत. नागपूरमधील विधीमंडळाचं हिवाळी अधिवेशन संपल्यानंतर त्यांची तब्येत बिघडली होती. त्यामुळे त्यांची करोना चाचणी करण्यात आली. ही चाचणी पॉझिटिव्ह आल्याने त्यांना विलगीकरण कक्षात ठेवलं आहे.

First published on: 25-12-2023 at 22:58 IST

Web Title: Karnataka reports 34 jn 1 cases including three deaths 4054 active corona cases in india asc