कर्नाटकचे पोलीस महासंचालक प्रवीण सूद यांची सीबीआयच्या संचालकपदी नियुक्ती |Karnataka top cop Praveen Sood appointed new CBI Director for a period of 2 years sgk 96

सीबीआयचे विद्यमान संचालक सुबोध कुमार यांचा कार्यकाळ आता संपणार आहे. त्यामुळे त्यांच्या जागी नव्या संचालकपदाची निवड करण्याकरता उच्च स्तरीय समितीची स्थापना करण्यात आली होती.

Written by लोकसत्ता टीम

नवी दिल्ली

Updated: May 14, 2023 16:12 IST

Praveen Sood has been appointed as the Director of the Central Bureau of Investigation (CBI) for a period of two years

प्रवीण सूद यांची दोन वर्षांकरता नियुक्ती (फोटो - लोकसत्ता ग्राफिक्स टीम)

कर्नाटकचे पोलीस महासंचालक प्रवीण सूद यांची केंद्रीय अन्वेषण विभाग येथे संचालकपदी नियुक्ती झाली आहे. पुढील दोन वर्षांसाठी ते सीबीआयचे संचालक असणार आहेत. या पदाच्या नियुक्तीसाठी उच्च स्तरीय समितीची स्थापना करण्यात आली होती. यामध्ये पंतप्रधान, सर्वोच्च न्यायालयाचे सरन्यायाधीश आणि लोकसभेतील विरोधी पक्षनेत्याचा समावेश होता.

congress mp abhishek manu singhvi remarks on cji chandrachud

सीबीआयचे विद्यमान संचालक सुबोध कुमार जयस्वाल यांचा कार्यकाळ २५ मे रोजी संपणार आहे. त्यामुळे त्यांच्या जागी नव्या संचालकाची निवड करण्याकरता उच्च स्तरीय समितीची स्थापना करण्यात आली होती. यामध्ये पंतप्रधान नरेंद्र मोदी, सरन्यायाधीश चंद्रचूड आणि लोकसभेतील विरोधी पक्षनेते अधीर रंजन चौधरी यांचा समावेश होता. या समितीद्वारे दोन वर्षांच्या निश्चित कार्यकाळासाठी अधिकाऱ्याची निवड केली जाते. हा कार्यकाळ पाच वर्षांपर्यंत वाढवता येऊ शकतो. या समितीने तीन वरिष्ठ आयपीएस अधिकाऱ्यांची निवड केली होती. त्यामधून कर्नाटकचे १९८६ बॅचचे अधिकारी प्रवीण सूद यांची नियुक्ती करण्यात आली आहे.

First published on: 14-05-2023 at 15:45 IST

Web Title: Karnataka top cop praveen sood appointed new cbi director for a period of 2 years sgk