काशी, तमिळनाडू ही कालातीत सांस्कृतिक केंद्रे : मोदी

पंतप्रधान म्हणाले की, आपल्या देशात संगमांचा मोठा महिमा आणि महत्त्व आहे. नद्या आणि प्रवाहच्या संगमापासून विचार आणि विचारधारा, ज्ञान- विज्ञान आणि समाज संस्कृतींच्या प्रत्येक संगमाला आपण साजरे केले आहे. हा उत्सव वास्तविक भारताच्या विविधता आणि विशेषत्वाचा उत्सव आहे. त्यामुळेच काशी तमिळ संगम हा विशेष आणि अद्वितीय आहे, असेही ते म्हणाले.

काशीमध्ये बाबा विश्वनाथ आहेत. तर, तमिळनाडूमध्ये भगवान रामेश्वराचे आशीर्वाद आहेत. काशी आणि तमिळनाडू दोन्ही शिवमय आहेत. एक स्वयंकाशी आहे, तर, दुसरे दक्षिण काशी आहे, असे मोदी म्हणाले.‘काशी तमिळ संगम’ परिषद एक महिनाभर सुरू राहणार आहे. यानिमित्त तमिळनाडूतील अडीच हजार शिष्टमंडळे वाराणसीत दाखल होणार असून येथील समव्यावयायिकांशी संवाद साधणार आहेत. पंतप्रधानांच्या एक भारत- श्रेष्ठ भारत उपक्रमा अंतर्गत ही परिषद भरविली आहे.