Kashmir : जम्मू-काश्मीरमध्ये LOC वर पाच पाकिस्तानी दहशतवादी ठार; घुसखोरीच्या प्रयत्नात असताना भूसुरुंगाचा स्फोट

पाच पाकिस्तानी दहशतवादी एलओसीवरून भारतात घुसखोरीचा प्रयत्न करत होते. दहशतवादी घुसखोरीच्या प्रयत्नात असताना भूसुरुंगाचा स्फोट झाला आणि त्यात पाच दहशतवाद्यांचा मुत्यू झाल्याची माहिती समोर आली आहे. पाकव्याप्त काश्मीरमधून दहशतवादी भारतीय सीमा ओलांडत होते. पण त्याचवेळी भारतीय हद्दीत टाकलेल्या भूसुरुंगावर त्यातील एका दहशतवाद्याने चुकून पाऊल ठेवल्याने भूसुरुंगाचा स्फोट झाला. या स्फोटात पाच संशयित पाकिस्तानी दहशतवादी ठार झाले. ही घटना शुक्रवारी घडली. यासंदर्भातील वृत्त इंडियन एक्स्प्रेसने दिलं आहे.

आणखी वाचा

Hamas : पाकव्याप्त काश्मीरमध्ये दहशतवादी संघटनांची बैठक, हमासचाही सहभाग

Maharashtra Politics : नाराज एकनाथ शिंदे भाजपासाठी अडचणीचे?

अक्षय शिंदे प्रकरणात नवे वळण : प्रकरण पुढे लढायचे नाही, ते बंद करा, आरोपी अक्षय शिंदे याच्या आईवडिलांची उच्च न्यायालयात मागणी

बदलापूर चकमक प्रकरण : ठपका ठेवलेल्या चारही पोलिसांची उच्च न्यायालयात धाव, दंडाधिकाऱ्यांच्या चौकशी अहवालाची प्रत देण्याची, म्हणणे ऐकण्याची मागणी

Kashmir Terror Attack : जम्मू-काश्मीरच्या कुलगाममध्ये दहशतवादी हल्ला, माजी सैनिक ठार, पत्नी आणि मुलगी गंभीर जखमी

मुंबई बाहेर फेकले गेलेल्यांना पुन्हा मुंबईत आणणार; उपमुख्यमंत्री एकनाथ शिंदे

Saif Ali Khan Attack : “गरज पडली तर पोलीस…”, सैफ अली खानवरील हल्ल्याप्रकरणी गृहराज्यमंत्र्यांनी दिली मोठी अपडेट

Baghpat Accident : उत्तर प्रदेशातील बागपतमध्ये मोठी दुर्घटना; धार्मिक कार्यक्रमात स्टेज कोसळून ७ जण ठार, ४० जखमी

वृत्तानुसार, जम्मू आणि काश्मीरच्या पूंछ जिल्ह्यातील बटाल सेक्टरमध्ये नियंत्रण रेषेजवळ पाच घुसखोर घुसखोरी करत होते. या दहशतवाद्यांनी एक आयईडी देखील घेतला होता. दरम्यान, स्फोट झाल्यानंतर पाकिस्तानच्या फॉरवर्ड पोस्टवर उभ्या असलेल्या त्यांच्या साथीदारांनी मृतदेह बाहेर नेला. लष्कराने या घटनेला दुजोरा दिला आहे. ही घटना घडल्यानंतर भारतीय लष्कराकडून शोध मोहीम राबवली जात आहे.

दरम्यान, पंधरवड्यापूर्वी जम्मू-काश्मीरच्या पूंछ जिल्ह्यात नियंत्रण रेषेजवळ (एलओसी) भूसुरुंगाच्या स्फोटात लष्कराचा एक जवान जखमी झाला होता. हा सैनिक कृष्णा घाटी सेक्टरमध्ये गस्त घालणाऱ्या दलाचा भाग होता अशी माहिती अधिकाऱ्यांनी सांगितली आहे.