केरळमध्ये मुसळधार पावसाने थैमान घातलं असून वायनाड जिल्ह्यातील मेप्पाडीमध्ये झालेल्या भूस्खलनाच्या दुर्घटनेत १५६ जणांचा मृत्यू झाला असून अद्यापही शेकडो लोक बेपत्ता असल्याची माहिती सांगण्यात येत आहे. तसेच जखमी झालेल्या लोकांची संख्या वाढली असून त्यांच्यावर रुग्णालयात उपचार सुरु आहेत. या भूस्खलनाच्या दुर्घटनेत अद्यापही अनेकजण ढिगाऱ्याखाली अडकल्याची भिती व्यक्त केली जात आहे. सध्या एनडीआरएफ आणि स्थानिक प्रशासनाकडून मदतकार्य सुरु आहे. मात्र, खराब हवामान आणि पावसामुळे बचावकार्यात अडचणी निर्माण होत आहेत.

वायनाड जिल्ह्यात झालेल्या या भूस्खलनाच्या घटनेचा तब्बल ४ पेक्षा जास्त गावांना फटका बसला आहे. जे यामध्ये अडकले आहेत, त्यांची सुटका करण्यासाठी आणि मदतीसाठी एनडीआरएफची टीम, राज्याचे आपत्ती निवारण दल (एसडीआरएफ), स्थानिक प्रशासन, पोलीस, नौदल, अग्निशमन दल आणि भारतीय लष्कराकडूनही मदतकार्य सुरु आहे. या घटनेबाबत पंतप्रधान नरेंद्र मोदी यांनी केरळचे मुख्यमंत्री पिनाराई विजयन यांच्याशी संवाद साधून या घटनेची माहिती घेत सर्वतोपरी मदत केंद्र सरकारकडून करण्यात येईल, असं आश्वासन पंतप्रधान मोदी यांनी दिलं.

आणखी वाचा
Redevelopment , Developers Committee, Old Thane ,
जुन्या ठाण्यातील पुनर्विकासासाठी विकासकांची समिती
Pompeii
Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?
Over 2400 people died in extreme weather events like floods heatwaves and landslides
हवामान प्रकोपाचे गतवर्षांत देशात २४०० बळी, जाणून घ्या, उष्णतेच्या झळांची स्थिती काय
mahakumbh 2025 shocking video Chaos At Jhansi Railway Platform As Passengers Rushing To Board Maha Kumbh Special Train Fall On Track
Mahakumbh 2025: बापरे! महाकुंभला जाताना रेल्वे स्टेशनवर चेंगराचेंगरी, कोण रुळावर पडलं तर कोण चेंगरलं; थरारक VIDEO समोर
Taloja MIDC road accident
भरधाव मोटार उलटून तरुणीचा मृत्यू; मुंबई-बंगळुरू बाह्यवळण मार्गावर अपघात; सात जण जखमी
nitin gadkari
Nitin Gadkari : करोना, दंगली, लढायांपेक्षा अधिक मृत्यू अपघातांमुळे… खुद्द गडकरींनीच…
Hasan Mushrif assures that Rs 2100 will be given to the sisters who are fond of scissors for development works
विकासकामांना कात्री पण लाडक्या बहिणींना २१०० रुपये; हसन मुश्रीफ यांची ग्वाही
Why are indigenously made Dhruva helicopters frequently involved in accidents
स्वदेशी बनावटीच्या ध्रुव हेलिकाॅप्टर्सचे वारंवार अपघात का होत आहेत?

हेही वाचा : केरळमध्ये १२३ बळी; वायनाडमध्ये भूस्खलन, १२८ जखमी; मृतांचा आकडा वाढण्याची भीती

वायनाडमधील भूस्खलनाच्या घटनेत मदत करण्यासाठी २०० पेक्षा जास्त लष्कराचे जवान मदतीसाठी तैनात करण्यात आले आहेत. मदतकार्यात पावसामुळे आणि रात्री अंधारामुळे अडथळा येत असल्याने रात्री सर्च ऑपरेशन थांबवण्यात आलं होतं. मात्र, पुन्हा सकाळी मदतकार्य सुरु करण्यात आलं आहे. या भूस्खलनावेळी काहीजण नदीत वाहून गेल्याचंही सांगितलं जात आहे.

दोन दिवसांचा दुखवटा जाहीर

केरळ सरकारने वायनाडमधील भूस्खलनाच्या दुर्घटनेनंतर दोन दिवसांचा दुखवटा जाहीर केला आहे. तसेच हवाई दलाची दोन हेलिकॉप्टर्स मदतीसाठी पाठवण्यात आली असल्याची माहितीही देण्यात आली आहे. दरम्यान, आजही काही जिल्ह्यांना मुसळधार पावसाचा अलर्ट देण्यात आल्यामुळे तेथील स्थानिक प्रशासनाकडून काळजी घेण्याचं आवाहन नागरिकांना करण्यात आलेलं आहे.

दोन लाख रुपयांची मदत

वायनाड भूस्खलनाच्या घटनेत मृत्यू झालेल्यांच्या कुटुंबीयांना प्रत्येकी दोन लाख आणि जखमींना ५० हजारांची मदत देण्यात येणार असल्याची घोषणा केंद्र सरकारकडून करण्यात आली आहे. तसेच केंद्र सरकारकडून सर्वतोपरी मदतीचे आश्वासनही पंतप्रधान मोदींनी दिलं आहे.

राहुल गांधी वायनाड दौरा करणार

लोकसभेचे विरोधी पक्षनेते राहुल गांधी आणि प्रियांका गांधी हे आज वायनाड दौऱ्यावर जाण्याची शक्यता आहे. या दौऱ्यात ते वायनाड भूस्खलनाच्या घटनेची पाहणी करण्याची शक्यता आहे. तसेच नुकसान झालेल्या ग्रामस्थांशी संवाद साधत आढावा घेणार आहेत. याबाबत राहुल गांधी यांनीही केरळचे मुख्यमंत्री पिनाराई विजयन यांच्याशी चर्चा केली. तसेच तेथील जिल्हाधिकाऱ्यांशी संवाद साधत सर्व संस्थामधील मदत कार्यात समन्वय राखला जाईल याची काळजी घेत कोणत्याही मदतीची गरज असेल तर कळवण्यास सांगितलं असल्याचं राहुल गांधी यांनी सांगितलं आहे

Story img Loader