पर्यटनासाठी आलेल्या कोरियन मुलींवर धर्मप्रसाराचा आरोप लावत ‘जय श्रीराम’च्या घोषणा, चित्रपट निर्माता म्हणाला, “हे गुंड देशाला…”

पर्यटक मुलींसमोर युवकांचा धिंगाणा

व्हायरल झालेल्या व्हिडिओमध्ये हे युवक मुलींना प्रश्न विचारताना दिसत आहेत. तुमच्यासोबत कोण आलं आहे? इथे कशासा आला आहात? असे प्रश्न विचारत असताना एक तरुण म्हणतो की, श्रीराम यांच्यापेक्षा दुसरा कोणताही देव नाही. तर आणखी एक युवक म्हणतो की, हे मिशनरीचे लोक आहेत. युवकांच्या या प्रश्नांमुळे भांबावलेल्या मुली त्यांच्या प्रश्नांची उत्तरं न देता पुढे चालताना दिसत आहेत.

आणखी वाचा

“सेटवर आम्ही कधीच त्यांना…”, ऐश्वर्या आणि अभिषेक बच्चनबाबत अभिनेता म्हणाला, “त्यांच्या नात्यामुळे…”

Nana Patole : निकालाआधी राजकीय घडामोडींना वेग; यातच…

Sana Malik : “नवाब मलिक तुरुंगात असताना पक्षातील लोकांनी…”, सना मलिक यांचा गंभीर आरोप!

पाकिस्तानी गँगस्टरकडून मिथुन चक्रवर्ती यांना धमकी, मुस्लिमांबद्दल केलेल्या ‘त्या’ वक्तव्याचा उल्लेख करत म्हणाला…

Video: “खोटं बोलून करिअर…”, ‘अनुपमा’ फेम रुपाली गांगुलीवर सावत्र मुलीचे आरोप; ईशा वर्माचा वडिलांवरही संताप

Video: डोक्यावरून हात फिरवत खर्गेंची योगी आदित्यनाथांवर खोचक टीका; म्हणाले, “ते डोक्यावर केस…”!

“आई आणि बायकोवरून…”, आक्षेपार्ह कमेंट करणाऱ्याला ऐश्वर्या नारकरांनी सुनावलं; म्हणाल्या, “महिलांचा…”

पश्चिम उत्तर प्रदेशच्या मेरठमधील चौधरी चरण सिंह हे एक मोठे विद्यापीठ आहे. दक्षिण कोरियाच्या दोन मुली पर्यटनासाठी येथे आल्या असताना विद्यापीठाचे कॅम्पस फिरत असताना युवकांच्या टोळक्याने त्यांना घेरत घोषणाबाजी केली. या मुलींना आधी त्यांचा धर्म विचारण्यात आला होता, त्यावर त्यांनी आपला धर्म सांगितला आणि नंतर हा विषय भलतीकडेच गेला. युवकांनी चक्क धर्मप्रसाराचा आरोप लावत या मुलींना चांगलेच जेरीस आणले.

मेरठ पोलिसांनी या घटनेनंतर सांगितले की, या मुली विद्यापीठात फिरण्यासाठी आल्या होत्या. मात्र काही युवकांनी मुद्दामहून त्यांच्या धर्माचा मुद्दा पुढे करुन त्यांना त्रास दिला. तसेच याचा व्हिडिओ बनवून व्हायरल केल. या मुली धर्म प्रचार करत आहेत, असे भासविण्याचा प्रयत्न केला गेला, जे पूर्णपणे खोटे आहे, असा निर्वाळा मेरठ पोलिसांनी दिला आहे.

या व्हिडिओनंतर अनेक लोक आपली प्रतिक्रिया देत आहेत. सिनेनिर्माते विनोद कापरी यांनी देखील एक ट्विट करत यावर कमेंट केली आहे. “हे गुंड देशाला उध्वस्त करतील”, अशी उद्विग्न प्रतिक्रिया विनोद कापरी यांनी दिली आहे. तर आणखी एका सोशल मीडिया युजरने लिहिले आहे, “असेच होत राहिले तर पर्यटक भारतात येणं बंद करतील. पर्यटकांसोबत असे झाले तर देशाचेच नाव खराब होते.”

याआधी देखील कोरियन पर्यटक मुलीची मुंबईतील खार येथे छेडछाड झाल्याचा प्रकार घडला होता. कोरियाहून मुंबईत आलेल्या युट्यूब व्लॉगर मुलीचा विनयभंग करतानाचा व्हिडिओ व्हायरल झाला होता. दक्षिण कोरियाहून मुंबईत पर्यटनासाठी आलेल्या मुलीची लाईव्ह व्लॉग करत असताना खार येथे काही मुलांनी छेड काढली. तसेच तिला बळजबरीने स्वतःसोबत नेण्याचा प्रयत्न केला. या घटनेचा व्हिडिओ व्हायरल झाल्यानंतर पोलिसांनी दोन तरुणांना अटक करुन त्यांच्यावर कारवाई केली होती.