पीटीआय, इम्फाळ
राष्ट्रीय लोकशाही आघाडीतील (एनडीए) घटक पक्ष ‘कुकी पीपल्स अलायन्स’ (केपीए) ने मणिपूरमधील भाजपच्या एन. बीरेन सिंह सरकारचा पाठिंबा काढण्याचा निर्णय रविवारी घेतला. या पक्षाचे दोन आमदार आहेत.
‘केपीए’चे अध्यक्ष तोंगमांग हाकीप यांनी, मणिपूरमधील भाजपच्या नेतृत्वाखालील सरकारशी संबंध तोडण्याचा निर्णय पक्षाने घेतल्याची माहिती राज्यपाल अनुसुया उईके यांना पत्राद्वारे दिली. ‘‘सध्या राज्यात उफाळलेल्या हिंसाचाराबाबत सखोल विचार केल्यानंतर, मुख्यमंत्री एन. बीरेन सिंह यांच्या नेतृत्वाखालील भाजप सरकारला दिलेला पाठिंबा कायम ठेवणे उपयोगी ठरणार नाही. त्यानुसार, सरकारला असलेला ‘केपीए’चा पाठिंबा काढून घेण्यात आला आहे, असेही या पत्रात नमूद केले आहे. दरम्यान, मणिपूरमध्ये कुकी-झोमी आणि मैतेईंच्या वांशिक हिंसाचारात गेल्या तीन महिन्यांत १६०हून अधिक लोकांचा मृत्यू झाला आहे.
संख्याबळ..
६० सदस्यांच्या मणिपूर विधानसभेत ‘कुकी पीपल्स अलायन्स’चे दोन आमदार आहेत. भाजपची सदस्यसंख्या ३२ आहे. भाजपला नागा पीपल्स फ्रंट आणि तीन अपक्षांनी पाठिंबा दिला आहे. विरोधकांच्या संख्याबळात नॅशनल पीपल्स पार्टीचे सात, काँग्रेसचे पाच आणि जनता दलाच्या (संयुक्त) सहा आमदारांचा समावेश आहे.
राष्ट्रीय लोकशाही आघाडीतील (एनडीए) घटक पक्ष ‘कुकी पीपल्स अलायन्स’ (केपीए) ने मणिपूरमधील भाजपच्या एन. बीरेन सिंह सरकारचा पाठिंबा काढण्याचा निर्णय रविवारी घेतला. या पक्षाचे दोन आमदार आहेत.
‘केपीए’चे अध्यक्ष तोंगमांग हाकीप यांनी, मणिपूरमधील भाजपच्या नेतृत्वाखालील सरकारशी संबंध तोडण्याचा निर्णय पक्षाने घेतल्याची माहिती राज्यपाल अनुसुया उईके यांना पत्राद्वारे दिली. ‘‘सध्या राज्यात उफाळलेल्या हिंसाचाराबाबत सखोल विचार केल्यानंतर, मुख्यमंत्री एन. बीरेन सिंह यांच्या नेतृत्वाखालील भाजप सरकारला दिलेला पाठिंबा कायम ठेवणे उपयोगी ठरणार नाही. त्यानुसार, सरकारला असलेला ‘केपीए’चा पाठिंबा काढून घेण्यात आला आहे, असेही या पत्रात नमूद केले आहे. दरम्यान, मणिपूरमध्ये कुकी-झोमी आणि मैतेईंच्या वांशिक हिंसाचारात गेल्या तीन महिन्यांत १६०हून अधिक लोकांचा मृत्यू झाला आहे.
संख्याबळ..
६० सदस्यांच्या मणिपूर विधानसभेत ‘कुकी पीपल्स अलायन्स’चे दोन आमदार आहेत. भाजपची सदस्यसंख्या ३२ आहे. भाजपला नागा पीपल्स फ्रंट आणि तीन अपक्षांनी पाठिंबा दिला आहे. विरोधकांच्या संख्याबळात नॅशनल पीपल्स पार्टीचे सात, काँग्रेसचे पाच आणि जनता दलाच्या (संयुक्त) सहा आमदारांचा समावेश आहे.
