मागील बऱ्याच दिवसांपासून आजारी असलेले ष्ट्रीय जनता दलाचे संस्थापक लालूप्रसाद यादव यांच्याबद्दल एक मोठी बातमी समोर आली आहे. लालूप्रसाद यादव यांना त्यांची मुलीने स्वत:ची किडनी देण्याचा निर्णय घेतला आहे. लालूप्रसाद यादव आणि राबडी देवी यांची दुसरी मुलगी रोहिणी आचार्य जी सिंगापूरमध्ये असते, तिच्या किडनीमुळे लालूप्रसाद यादव यांना नवीन आयुष्य मिळणार आहे. एकाचवेळी अनेक आजारांशी लढत असलेले लालूप्रसाद यादव यांच्यावर किडनी प्रत्यारोपण प्रक्रिया सिंगापूरमध्ये होणार आहे. सर्वात महत्त्वाचा मुद्दा हा की सिंगापूरमधील डॉक्टारांनी मान्यता दिली असून, किडनी प्रत्यारोपणाची सर्व तयारीही करण्यात आली आहे. हेही वाचा - पक्षासाठी दहावेळा तुरुंगात जाण्यास तयार; पाठीत खंजीर खुपसणे आमच्या रक्तात नाही – संजय राऊत सिंगापुरमध्ये राहूनही रोहिणी आचार्य कायम आपल्या कुटुंबाच्या संपर्कात असते, एवढच नाहीतर सोशल मीडियाच्या माध्यमातून बिहारच्या राजकारणावर टिप्पणी करत असते. अनेकदा स्वत:च्या कुटंबातील सदस्यांवर होणाऱ्या टीकांना तिने प्रत्युत्तरही दिले आहे. वडिलांची प्रकृती खालावल्यानंतर तिने आपल्या कुटुंबाला त्यांच्यावर सिंगापुरमध्ये उपचार करण्याचा आग्रह केला होता. तिथे एकएक तास हा १०० दिवसांसारखा असतो ; मी स्वत:ला… – संजय राऊतांनी सांगितला तुरुंगातील अनुभव! एवढच नाहीतर तिने स्वत: किडनी सेंटरमध्ये जाऊन उपचारासंबंधी चर्चा केली आणि लालूप्रसाद यांच्यावरील उपचाराचा पुढील मार्गही सुकर केला. लालूप्रसाद यादव हे मुलीची किडनी घेण्यास अजिबात तयार नव्हते, मात्र शेवटी रोहिणीने त्यांची समजूत काढली. तिने समजून सांगितले की कुटुंबातील सदस्याची किडनी घेतल्यास यशस्वीतेचे प्रमाण अधिक असते. सिंगापुरमधील सेंटर फॉर किडनी डिसीस येथे लालूप्रसाद यादव यांच्यावर उपचार सुरू आहेत.
