“माझ्याशी बोलू नका,” लोकसभेत सोनिया गांधी आणि स्मृती इराणींमध्ये जोरदार खडाजंगी, सुप्रिया सुळेंना करावी लागली मध्यस्थी

सूत्रांच्या माहितीनुसार, काँग्रेस नेते अधीर रंजन चौधरी यांनी द्रौपदी मुर्मू यांचा ‘राष्ट्रपत्नी’ असा उल्लेख केल्याने भाजपा खासदारांकडून लोकसभेत निषेध करत घोषणा दिल्या जात होत्या. १२ वाजता सभागृह स्थगित करण्यात आल्यानंतरही भाजपा खासदार घोषणा देत सोनिया गांधी यांच्या राजीनाम्याची मागणी करत होते.

आणखी वाचा

रोड-शो दरम्यान भाजपचे झेंडे दाखवणाऱ्यांना प्रियंका गांधी म्हणाल्या, तुम्हाला शुभेच्छा मात्र…

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

“पंतप्रधान मोदींना स्मृतीभ्रंश झालाय, ते आजकाल…”; अमरावतीतल्या सभेतून राहुल गांधींचा हल्लाबोल!

Rahul Gandhi: “अदानींसाठीच भाजपने आमचे सरकार पाडले”, राहुल गांधी यांचा आरोप

नागपुरात डासांचा उद्रेक…अन् काँग्रेस उमेदवार प्रचार सोडून फाॅगिंग…

“संविधानाच्या नावाखाली लाल पुस्तकं छापून काँग्रेसने…”; नांदेडच्या सभेतून पंतप्रधान मोदींचा हल्लाबोल!

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

काँग्रेस नेत्याने द्रौपदी मुर्मूंचा ‘राष्ट्रपत्नी’ म्हणून उल्लेख केल्याने भाजपा आक्रमक, लोकसभेत तुफान खडाजंगी

गोंधळ सुरु असताना सोनिया गांधी भाजपा नेत्या रमादेवी यांच्याजवळ गेल्या आणि अधीर रंजन चौधरी यांनी माफी मागितली असल्याचं सांगितलं. “माझं नाव का घेतलं जात आहे?”, अशी विचारणाही त्यांनी केली.

सोनिया गांधी आणि रमादेवी यांच्यात संभाषण सुरु असताना स्मृती इराणी यांनी मध्यस्थी केली आणि त्यांनी नाही तर आपण नाव घेतलं असल्याचं म्हटलं. यावर सोनिया गांधी यांनी त्यांना ‘माझ्याशी बोलू नका’ असं सुनावलं. यानतंर दोघींमध्ये शाब्दिक चकमक सुरु झाली. तब्बल दोन ते तीन मिनिटं हा वाद सुरु होता.

यानंतर राष्ट्रवादी काँग्रेसच्या खासदार सुप्रिया सुळे, तृणमूलच्या खासदार महुआ मोईत्रा, भाजपाचे प्रल्हाद जोशी आणि अर्जुन मेघवाल यांनी मध्यस्थी केली. काँग्रेसच्या खासदार गीता कोरा आणि ज्योत्स्ना महंत यांनी स्मृती इराणी तसंच भाजपाच्या काही पुरुष खासदारांना सोनिया गांधींशी गैरवर्तन केल्याचा आरोप केला आहे.

दुसरीकडे भाजपाच्या महिला खासदार काँग्रेस अध्यक्षांविरोधात विशेषाधिकार प्रस्ताव आणण्याची शक्यता आहे. भाजपाच्या उच्चपदस्थ सूत्रांनी दिलेल्या माहितीनुसार, अधीर रंजन चौधऱींच्या वक्तव्यावर सोनिया गांधींनी माफी मागण्याची मागणी कायम असणार आहे.