Loksabha Election 2019: ९० कोटी मतदार बजावणार मतदानाचा हक्क

देशातील ५४३ जागांसाठी ७ टप्प्यांत निवडणुका होणार असल्याचे केंद्रीय निवडणूक आयुक्त सुनील अरोरा यांनी आज (रविवार) जाहीर केले आहे. या निवडणुकीत यंदा ९० कोटी मतदार मतदानाचा हक्क बजावणार आहेत. २०१४ पासून आतापर्यंत यामध्ये ८.४ कोटी मतदारांची भर पडली आहे. विशेष म्हणजे १८ ते १९ वयोगटातील १.५ कोटी मतदार आहेत. या नवमतदारांची भूमिका यंदा महत्वाची असणार आहे. गत निवडणुकीत युवा मतदार आणि पहिल्यांदा मतदान करणाऱ्यांनी महत्वाची भूमिका निभावली होती. त्यामुळे प्रत्येक पक्षाचे या मतदारांकडे विशेष असे लक्ष असेल.