आधी हत्या, मग मृतदेह दिवाणमध्ये ठेवून पेटवून दिला; धक्कादायक हत्या प्रकरणाचा पोलिसांनी लावला छडा!

नेमकं घडलं काय?

लुधियानातील खेरी-ठाकरवाल गावाजवळ काही स्थानिकांना सोमवारी काहीतरी जळत असल्याचं निदर्शनास आलं. काळजीपूर्वक पाहिलं असता एका लाकडी बॉक्समध्ये एक मृतदेह जळत असल्याचं स्थानिकांच्या लक्षात आलं. यानंतर त्यांनी पोलिसांना माहिती दिली. पोलिसांनी घटनास्थळी दाखल होत सर्व परिस्थितीची माहिती घेतली आणि पुढील तपास सुरू केला.

आणखी वाचा

Manoj Jarange : मनोज जरांगेंचा देवेंद्र फडणवीसांना सवाल, “खंडणीतला आरोपी तुमचं सरकार….”

Ravindra Chavan : ‘उपरा’ डोंबिवलीकर ते भाजप प्रदेश…

‘या’ छोट्या टिप्स फॉलो केल्यास चोर तुमची कार कधीही चोरणार नाही

“त्यांनी मला एका कोपऱ्यात बसून रडायला सांगितलं, कोणालाच…”; प्रसिद्ध अभिनेत्रीने सांगितला सुनील दत्त यांच्याबरोबर काम करण्याची आठवण

“म्हणून मी तिचे केस कापले…”, दादर स्थानकात तरुणीचे केस कापणाऱ्या आरोपीचा धक्कादायक खुलासा

सोनू सूद आयकर विभागाने घरावर केलेल्या छापेमारीबद्दल झाला व्यक्त; म्हणाला, “माझ्या घरातील कपाटं आणि दरवाजांना…”

Video: रवीना टंडनच्या १९ वर्षीय मुलीचं Uyi Amma गाणं प्रदर्शित; राशाच्या जबरदस्त डान्सने वेधलं लक्ष, नेटकरी म्हणाले, “आईचं नाव…”

“पत्नीने अनैतिक संबंध न ठेवता इतरांना भेटणं म्हणजे…”, २३ वर्षांपासून वेगळं राहणार्‍या पती-पत्नीला घटस्फोट देताना न्यायालयाची महत्त्वपूर्ण टिप्पणी

सीसीटीव्ही फूटेजमधून झाला उलगडा!

दरम्यान, पोलिसांनी आसपासच्या भागातील सीसीटीव्ही फूटेज पाहिल्यानंतर सर्व प्रकरणाचा उलगडा पोलिसांना झाला. एका सायकल ट्रॉलीवर एक सिंगल दिवाण लादून घेऊन जाताना दोन व्यक्ती पोलिसांना सीसीटीव्ही फूटेजमध्ये दिसल्या. आगीत जळणारा तोच दिवाण असल्याचं पोलिसांच्या लक्षात आलं. या सीसीटीव्हीच्या मदतीने पोलिसांनी त्या दोघांसह एका महिलेलाही अटक केली आहे. त्यांच्या चौकशीतून खरा प्रकार समोर आला.

भाचीनंच दिली मामाच्या हत्येची सुपारी!

पोलिसांच्या तपासात समोर आलेल्या माहितीनुसार, अटक करण्यात आलेली महिला ही मृत व्यक्तीच्या बहिणीची मुलगी आहे. मृत व्यक्तीचं नाव गुरदीप सिंग (६१) असून अटक करण्यात आलेल्या दोघांमध्ये महिलेचा भाऊ सुखविंदर सिंग (३०) आणि त्याचा मित्र योगेश कुमार यांचा समावेश आहे. अटक करण्यात आलेल्या महिलेचं नाव जशनप्रीत कौर असं आहे.

पोलिसांनी दिलेल्या माहितीनुसार, जशनप्रीत कौरनं तिचा भाऊ सुखविंदरकडे गुरदीप आपल्याला त्रास देत असल्याची तक्रार केली होती. गुरदीपची हत्या करून पुरावे नष्ट करण्यासाठी जशनप्रीतनं त्याला ५० हजार रुपयेही दिले होते. यानंतर सुखविंदरनं योगेश कुमारच्या साथीने गुरदीप सिंगची गळा दाबून हत्या केली. त्यानंतर त्याचा मृतदेग दिवाणमध्ये टाकून तो दिवाण त्यांनी सायकल ट्रॉलीवर जवळच्या गावातील कॅनलजवळ नेला. तिथे तो लाकडी बॉक्स पेटवून दिला. पण गावकऱ्यांच्या सतर्कतेमुळे हा सगळा प्रकार उघड झाला. पोलिसांनी या प्रकरणी गुन्हा दाखल केला असून तिघांना अटक केली आहे.