Hindenburg Research : हिंडेनबर्गचे आरोप सेबीच्या अध्यक्षा माधवी बुच यांनी फेटाळले; म्हणाल्या, “सेबीमध्ये सामील होण्याच्या दोन वर्षांपूर्वी…”

दरम्यान, आरोपानंतर आता माधवी पुरी बुच आणि त्यांचे पती धवल बुच यांनी स्पष्टीकरण देत एक निवेदन प्रसिद्ध केलं. तसेच हिंडेनबर्गने केलेले आरोप हे बिनबुडाचे असल्याचं त्यांनी म्हटलं आहे. “हिंडनबर्ग अहवालात नमूद केलेल्या निधीतील गुंतवणूक २०१५ मध्ये करण्यात आली होती, तेव्हा ते दोघेही सिंगापूरमधील खासगी नागरिक होते. तसेच सेबीमध्ये रुजू होण्यापूर्वी २ वर्षे आधीच गुंतवणूक केली गेली होती, असंही त्यांनी म्हटलं आहे. तसेच या निवेदनात त्यांनी हिंडेनबर्ग रिसर्चने केलेले आरोपात कोणतेही तथ्य नसल्याचे म्हटले आहे.

हेही वाचा : Hindenburg : “…म्हणून सेबीने अदाणींच्या घोटाळ्याप्रकरणी कारवाई केली नाही”, हिंडेनबर्गचा आणखी एक धमाका

निवेदनात काय म्हटलं?

हिंडनबर्ग अहवालात नमूद केलेल्या फंडातील गुंतवणूक २०१५ मध्ये करण्यात आली होती. जेव्हा ते सिंगापूरमध्ये वैयक्तिक राहणारे नागरिक होते. तसेच माधबी सेबीमध्ये सहभागी होण्याआधीच ही गुंतवणुकीचा निर्णय मुख्य गुंतवणूक अधिकारी अनिल आहुजा यांच्या प्रभावाखाली घेतला गेला होता. माधबीने सेबीमध्ये सामील होण्याच्या जवळपास २ वर्षे आधीच घेतला गेला, असं म्हटलं आहे. २०१८ मध्ये अनिल आहुजा यांनी सीआयओ पद सोडले, तेव्हा आम्ही त्या फंडातील गुंतवणूकीची पूर्तता केली. निवेदनात असंही म्हटलं की, सेबीने दोन वर्षात ३०० पेक्षा जास्त सर्क्युलर जारी केले आहेत.

हिंडेनबर्ग अहवालात नेमकं काय म्हटलं?

हिंडनबर्गने असे म्हटले की, ‘‘आपण आपले कामकाज सुरू ठेवल्यास, त्यामध्ये कोणताही गंभीर हस्तक्षेप होण्याची जोखीम नाही याचा अदाणींना वाटणारा संपूर्ण आत्मविश्वास आमच्या आधी लक्षात आला होता. त्यामुळे अदाणींचे माधवी बुच यांच्याशी असलेल्या संबंधांमधून त्याचा खुलासा मिळेल असे सूचित होत होते. तेव्हा आम्हाला माहित नव्हते की, माधवी बुच आणि त्यांचे पती धवल बुच यांचे त्याच बर्म्युडा आणि मॉरिशस फंडांमध्ये छुपे हिस्सेदारी होती, ज्यांचा वापर विनोद अदाणींनी (आर्थिक गैरव्यवहारांसाठी) केला होता. आम्ही अदाणींच्या भांडवली बाजारातील घोटाळ्याबद्दल १८ महिन्यांपूर्वी अहवाल प्रसिद्ध केला होता. त्याचा तपास करण्यात ‘सेबी’ने आश्चर्यकारकरित्या उत्साहाचा अभाव दाखवला होता’’ असे हिंडनबर्गने म्हटले आहे.