Last Day of Mahakumbh Mela 2025 Mahashivratri LIVE Updates : प्रयागराजमध्ये महाकुंभ मेळ्याचा आज ४५ वा आणि अखेरचा दिवस आहे. आज शेवटच्या दिवशी कुंभ मेळ्यात भाविकांची मोठी गर्दी उसळली आहे. महाशिवरात्रीच्या दिवशी संगमावर हजारो लोक शाही स्नान करण्यासाठी दाखल झाले आहेत. सकाळी ११ वाजेपर्यंत ७० लाखांहून अधिक लोकांनी शाही स्नान केल्याचं प्रशासनाकडून सांगण्यात आलं आहे. प्रशासनाने सकाळी भाविकांवर पुष्पवृष्टी देखील केली. यामुळे भाविकांना सुखद धक्का बसला. आज दोन कोटी भाविक प्रयागराजमध्ये येण्याची शक्यता आहे. त्यामुळे योगी आदित्यनाथ सरकारवर मोठी जबाबदारी असेल. योगी सरकार दोन कोटी लोकांची व्यवस्था कशा पद्धतीने करतंय याकडे सर्वांचं लक्ष असेल.
Prayagraj Mahakumbh Mela 2025 Highlights : कुंभ मेळ्यातील अखेरच्या दिवशी घडणाऱ्या प्रत्येक घडामोडींचा आढावा एकाच क्लिकवर.
माझी परत जाण्याची इच्छा नाही : स्वामी चिदानंद सरस्वती
स्वामी चिदानंद सरस्वती म्हणाले, मला इथून परत जाण्याची इच्छात होत नाहीये. आम्ही संगमावर सतानत एकत्र आल्याची झलक पाहिली. इथे आलेल्या प्रत्येकाला मी नमन करतो. या मेळ्याचं आयोजन केल्याबद्दल मी पंतप्रधान नरेंद्र मोदी व उत्तर प्रदेशचे मुख्यमंत्री योगी आदित्यनाथ यांचे आभार मातो.
चार वाजेपर्यंत एक कोटी भाविकांचं शाही स्नान
चार वाजेपर्यंत एक कोटी भाविकांनी शाही स्नान केलं. दुसऱ्या बाजूला त्रिवेणी संगमावर भाविकांवर पुष्पवृष्टी चालू आहे. आतापर्यंत १२० क्विंटल फुलांच्या पाकळ्यांचा वर्षावर करण्यात आला आहे.
महाकुंभ मेळ्यात न जाऊन उद्धव ठाकरे व राहुल गांधींनी हिंदुत्वाचा अपमान केला : रामदास आठवले
महाकुंभ मेळ्यात न जाऊन शिवसेना (ठाकरे) पक्षप्रमुख उद्धव ठाकरे व काँग्रेस खासदार राहुल गांधी यांनी हिंदुत्वाचा अपमान केला आहे, असं वक्तव्य केंद्रीय सामाजिक न्याय राज्यमंत्री रामदास आठवले यांनी केलं आहे. आठवले म्हणाले, हिंदू मतदारांनी उद्धव ठाकरे व राहुल गांधींवर बहिष्कार घालायला हवा. उद्धव ठाकरे हिंदुत्वाच्या गोष्टी करतात, मात्र ते प्रयागराजमध्ये चालू असलेल्या महाकुंभ मेळ्यात सहभागी झाले नाहीत.
दुपारी ३ वाजेपर्यंत एक कोटी भाविकांनी शाही स्नान केलं. शेवटच्या दिवशी अनेक बॉलिवूड कलाकार व राजकीय नेत्यांनी संगमावर जाऊन स्नान केलं.
भारतीय हवाई दलाचा एअर शो
भारतीय वायूदलाने महाकुंभ मेळ्याच्या शेवटच्या दिवशी प्रयागराजमध्ये एअर शोचे आयोजन केले होते.
दुपारी दोन वाजेपर्यंत ८५ लाख भाविकांनी त्रिवेणी संगमावर जाऊन शाही स्नान केलं. आज दिवसभरात दोन कोटी भाविक महाकुंभ मेळ्याल्या भेट देण्याची शक्यता वर्तवली जात आहे.
ओयोचे संस्धापक रितेश अग्रवाल यांनी देखील शेवटच्या दिवशी महाकुंभ मेळ्याला भेट दिली
मुख्यमंत्री योगी आदित्यनाथ हे कुंभ मेळ्याच्या आयोजनावर बारीक लक्ष ठेवून आहेत. त्यांनी काही वेळापूर्वी महाकुंभ मेळ्याचा आढावा घेतला
प्रिती झिंटाने शेअर केला महाकुंभ मेळ्यातील व्हिडीओ
दुपारी १२ वाजेपर्यंत ८१ लाख लोकांनी केलं शाही स्नान
अखेरच्या दिवशी दुपारी १२ वाजेपर्यंत ८१ लाख भाविकांनी त्रिवेणी संगमावर जाऊन शाही स्नान केलं.
Mahakumbh 2025 Live Updates: प्रयागराजमध्ये दाखल झालेली प्रिती झिंटा भावूक
महाकुंभ मेळ्यात शाही स्नान करण्यासाठी आलेली बॉलिवूड अभिनेत्री प्रिती झिंटा संगमावरील वातावरण पाहून भावूक झाल्याचं पाहायला मिळालं.
Mahakumbh 2025 Live Updates: महाकुंभ मेळ्यासाठी आलेल्या भाविकांसाठी ११५ रेल्वे गाड्या
महाकुंभ मेळ्यात शाही स्नान करण्यासाठी येणाऱ्या भाविकांसाठी ११५ रेल्वे गाड्या चालवण्यात आल्या.
