पंतप्रधान मोदींवरील वादग्रस्त वक्तव्ये भोवली, मालदीवमधील तीन मंत्री निलंबित

झाहिद रमीझ यांच्यापाठोपाठ मालदीवच्या युवा सक्षमीकरण, माहिती आणि कला विभागाच्या मंत्री मरियम शिउना यांनीदेखील पंतप्रधान नरेंद्र मोदी यांच्यावर टीका केली होती. मरियम शिउना यांनी मोदी यांना ‘विदूषक’ आणि ‘इस्रायलची कठपुतली’ म्हटलं होतं. मरियम शिउना यांना मालदीव सरकारने निलंबित केलं आहे. यांच्यासह मालशा शरीफ आणि महजून माजिद यांच्यावरही निलंबनाची कारवाई करण्यात आली आहे. या दोन मंत्र्यांनीदेखील नरेंद्र मोदींबाबत वादग्रस्त टिप्पणी केली होती.

आणखी वाचा

आत्मनिर्भरतेने भारत सागरी शक्ती ; पंतप्रधान नरेंद्र मोदी यांचे प्रतिपादन, दोन युद्धनौका, एका पाणबुडीचे लोकार्पण

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

राष्ट्रवादीची बीड जिल्हा कार्यकारिणी बरखास्त; मंत्री धनंजय मुंडे यांना धक्का

Pankaja Munde : बीड जिल्ह्यातील तणावाच्या परिस्थितीवर पंकजा मुंडेंचं मोठं विधान; म्हणाल्या, “मी गृहमंत्र्यांशी…”

Ajit Pawar : धनंजय मुंडे नैतिकतेच्या आधारावर राजीनामा देणार का? विचारताच अजित पवारांचं उत्तर, “मी इतकं स्पष्ट सांगतो….”

बोलघेवडेपणा करू नका!अमित शहा यांच्या नेत्यांना कानपिचक्या

“बळं बळं चौकशी…”, धनंजय मुंडेंच्या राजीनाम्याच्या प्रश्नावर अजित पवारांचा संताप; म्हणाले, “या प्रकरणात…”

MVA : काँग्रेस नेत्याचा मविआला घरचा आहेर, “लोकसभा निवडणुकीनंतर मुख्यमंत्रिपदासाठी वाद घातले, एकमेकांवर कुरघोड्या..”

मालदीव सरकारचे प्रवक्ते आणि मंत्री इब्राहिम खलील यांनी काही वेळापूर्वी आज तकशी बातचीत केली. यावेळी ते म्हणाले, वादग्रस्त वक्तव्ये करणाऱ्या मंत्र्यांना त्यांच्या पदावरून तात्काळ निलंबित करण्यात आलं आहे. दरम्यान, यावर मालदीवचे माजी राष्ट्रपती इब्राहिम मोहम्मद सोलिह यांनीदेखील प्रतिक्रिया दिली आहे. सोलिह म्हणाले, मालदीव सरकारमधील मंत्र्यांनी समाजमाध्यमांवर भारताविरोधात वापरलेल्या द्वेषपूर्ण भाषेचा मी निषेध करतो.

मालदीवमधील मोहम्मद मुइज्जू यांच्या सरकारमधील मंत्री मरियम शिउना यांच्यासह काही मंत्र्यांनी आणि त्यांच्या पक्षातील नेत्यांनी सोशल मीडियावर भारताचे पंतप्रधान नरेंद्र मोदींबाबत वादग्रस्त टिप्पणी केली होती. भारत सरकारने हा मुद्दा मोहम्मद मुइज्जू सरकारसमोर उपस्थित केला. मालदीवमधील भारताच्या उच्चायुक्तांनीदेखील यावर तीव्र नाराजी व्यक्त केली. त्यानंतर मालदीव सरकारने अधिकृत निवेदन जारी केलं. मालदीव सरकारने म्हटलं आहे की, आमच्या मंत्र्यांनी केलेली व्यक्तव्ये ही त्यांची वैयक्तिक आहेत. मालदीव सरकारचा त्याच्याशी संबंध नाही.

हे ही वाचा >> पंतप्रधान नरेंद्र मोदींच्या लक्षद्वीप दौऱ्यानंतर मालदीवचा तीळपापड; मंत्र्यांचे वादग्रस्त विधान

उभय देशांमधील संबंध तणावपूर्ण

मालदीवच्या राष्ट्राध्यक्षपदी मोहम्मद मुइज्जू निवडून आल्यानंतर गेल्या काही महिन्यांपासून भारत आणि मालदीवच्या संबंधांमध्ये मीठाचा खडा पडला आहे. नोव्हेंबर २०२३ मध्ये मुइज्जू यांनी राष्ट्राध्यक्षपदाचा पदभार स्वीकारला. पदावर येताच त्यांनी भारताबरोबरची काही धोरणं बदलली. तसेच मालदीवमध्ये असलेले भारतीय लष्करी अधिकारी पुन्हा मायदेशी पाठवले. मोहम्मद मुइज्जू हे चीनधार्जिणे असल्याचा त्यांच्यावर अनेकदा आरोप झाला आहे.