ममता बॅनर्जींची मोठी घोषणा…राज्यात सर्वांसाठी मोफत लस!

त्या म्हणाल्या होत्या, “भाजपा कायम एक देश, एक पक्ष, एक नेता असं ओरडत असतं. पण लोकांचे प्राण वाचवण्यासाठी ते लसीची एक किंमत मात्र ठरवू शकत नाहीत. प्रत्येक भारतीयाला मोफत लस मिळायला हवी. यासाठी त्यांचं वय, जात, पंथ, स्थळ अशा कोणत्याही मर्यादा नकोत. खर्च केंद्र करो किंवा राज्य, पण भारत सरकारने देशभरात करोना प्रतिबंधक लसीची एकच किंमत ठरवून द्यायला हवी.”

One nation, one party, one leader shouts BJP all the time but to save lives they can’t have one price for vaccine.

Every Indian needs free vaccine, regardless of age, caste, creed, location. GoI must fix ONE price for Covid vaccine irrespective of who pays— Centre or the States.

— Mamata Banerjee (@MamataOfficial) April 22, 2021

सिरम या लस उत्पादक कंपनीने कालच त्यांच्या कोविशिल्ड या लसीच्या नव्या किमती जाहीर केल्या. यानुसार, राज्य सरकारांना ही लस ४०० रुपयांना मिळणार असून खाजगी दवाखान्यांना हीच लस ६०० रुपयांना मिळणार आहे.

हेही वाचा- राज्यांना एक लस ४०० रुपयांना तर खासगी रुग्णालयांना…; पुनावाला यांनी जाहीर केल्या किंमती

ममता यांनी लसीच्या एका किमतीबाबत पंतप्रधान नरेंद्र मोदींना एक पत्रही लिहिलं आहे. देशात सध्या लसीकरण मोहीम राबवली जात आहे. आज देशात सकाळी पूर्ण झालेल्या २४ तासात देशात एकूण २२ लाख ११ हजा ३३४ लाभार्थ्यांनी लस घेतली.