बंदूक, चाकू घेऊन ममता बॅनर्जींच्या घरात घुसण्याचा प्रयत्न, पोलिसांनी अटक करताच विरोधी पक्षनेते म्हणाले…

“हरीश चॅटर्जी रस्त्यावरील बॅनर्जी यांच्या निवासस्थानी ‘पोलिस’ स्टिकर असलेली काळी कार आली होती. चालकाने काळा कोट परिधान केला होता आणि नाका तपासणीदरम्यान त्याला पकडण्यात आले”, असे पोलिसांनी सांगितले. “अटक केलेल्या व्यक्तीला ममता बॅनर्जींना भेटायचे होते, असा त्याने दावा केला. परंतु, त्याचा नेमका उद्देश काय होता हे जाणून घेण्याचा प्रयत्न कोलकत्ता पोलीस करत आहेत”, अशी माहिती कोलकता पोलीस आयुक्त विनीत गोयल यांनी दिली.

विरोधी पक्षनेते काय म्हणाले?

राज्य विधानसभेतील विरोधी पक्षनेते सुवेंदू अधिकारी यांनी या घटनेबद्दल कोलकाता पोलीस आयुक्त आणि कालीघाट पोलीस ठाण्याचे प्रभारी निरीक्षक यांना निलंबित करण्याची मागणी केली आहे. “हे पोलिसांचे काम आहे. त्यांनी व्हीआयपींची कडेकोट सुरक्षा सुनिश्चित करावी. अशा घटना रोखणे हे त्यांचे काम आहे. मुख्यमंत्र्यांच्या सुरक्षेतील या त्रुटीबद्दल मी कोलकाता पोलिस आयुक्त आणि कालीघाट पोलिस ठाण्याचे प्रभारी निरीक्षक यांना तत्काळ निलंबित करण्याची मागणी करतो,” सुवेंदू अधिकारी म्हणाले.