Sambhal Violence : संभलमधील पोलिसांच्या कारवाईचे पत्नीने केले कौतुक, संतापलेल्या पतीने दिला ‘तिहेरी तलाक’ 

मुरादाबादचे वरिष्ठ पोलीस अधीक्षक सतपाल अंतील यांनी सांगितले की, त्यांच्याकडे या प्रकरणी एका ३६ वर्षीय महिलेने तक्रार केली होती. ही तक्रार आता महिला पोलीस ठाण्याला पाठवण्यात आली आहे. ते म्हणाले की, महिलेने तिच्या तक्रारीत अनेक आरोप केले आहेत. ही महिला मूळची मुरादाबादमधील कटघरची आहे.

आणखी वाचा

मुलीशी अश्लील कृत्य प्रकरणी शिकवणी चालकाविरुद्ध गुन्हा

शिवसेनेला पुणेकरांचा ‘जय महाराष्ट्र’?

“माझे आजोबा श्रीमंत, तर वडील…”, गोविंदाच्या लेकीचं वक्तव्य; म्हणाली, “माझी आई शॉर्ट्स घालायची…”

मुलगी न्यायालयात म्हणाली, चुकीने बलात्काराची तक्रार…आता मला भूतकाळ…

कल्याणमधील बालिकेचा मारेकरी विशाल गवळी डोंबिवलीतील पोलीस कोठडीत

“…म्हणून मशिदीच्या जागेवरील दावे वाढत आहेत”, विश्व हिंदू परिषदेच्या नेत्यानं सांगितलं कारण

‘मुंबई का किंग कौन?…’, २६ वर्षांनी मनोज बाजपेयी यांचा ‘हा’ सिनेमा पुन्हा होणार प्रदर्शित

यश-रेवतीच्या नात्यामुळे सासू-सून पुन्हा समोरासमोर येणार; ‘नवरी मिळे हिटलरला’ मालिकेत पुढे काय घडणार?

काय आहे प्रकरण?

महिलेने तक्रारीत केलेल्या दाव्यानुसार, ती पतीच्या कार्यालयात संभल हिंसाचाराचा व्हिडिओ पाहत होती. तेव्हा तिच्या पतीने तिला असे व्हिडिओ पाहू नको असे सांगितले होते. पुढे या महिलेने तिच्या पतीला सांगितले की, संभल हिंसाचार प्रकरणात पोलिसांची भूमिका कौतुकास्पद आहे. यावर तिचा पती संतापला आणि त्याने पत्नीला तिहेरी तलाक दिला.

महिलेने पोलिसांना सांगितले की, तिचे २०१२ मध्ये मुरादाबाद येथील एका व्यक्तीशी लग्न झाले आणि २०२१ मध्ये घटस्फोट झाला. तिला तीन मुले होती. यानंतर तिची गुडगावमध्ये काम करणाऱ्या एका व्यक्तीशी भेट झाली आणि त्या व्यक्तीशी तिचे नाते निर्माण झाले. महिलेचे म्हणणे आहे की, या व्यक्तीने तिच्याशी लग्न करण्याचे वचन दिले होते, परंतु नंतर तो टाळाटाळ करू लागला. जेव्हा महिलेने पोलिसांकडे जाण्याची धमकी दिली तेव्हा या व्यक्तीने तिच्याशी लग्न केले.

हे ही वाचा : सीरियात सत्तापालटाचा प्रयत्न, अनेक शहरे बंडखोरांच्या ताब्यात; राष्ट्राध्यक्ष देशातून पळून गेले?

कसा सुरू झाला संभल हिंसाचार

न्यायालयाच्या आदेशानुसार झालेल्या सर्वेक्षणादरम्यान 24 नोव्हेंबर रोजी पाहणी पथकाने उत्खनन केल्याच्या अफवेमुळे मशिदीत गर्दी जमली. यानंतर स्थानिक रहिवाशांनी दगडफेक केली, ज्यात गोळी लागल्याने चार जणांचा मृत्यू झाला. या सर्व प्रकारानंतर उत्तर प्रदेशसह देशातील वातावरण तापले आहे. समाजवादी पक्षाचे नेते अखिलेश यादव यांनी संसदेतही याप्रकरणी आवाज उठवला होता. तर काँग्रेसचे नेते राहुल गांधी आणि प्रियंका गांधी यांनी संभलला भेट देण्याचा प्रयत्न केला होता. पण, पोलिसांनी परवानगी नाकारल्याने त्यांना माघारी फिरावे लागले होते.