राजधानी दिल्लीतील बुलंद मशीद परिसरात एका २२ वर्षीय विवाहितेवर चाकूने हल्ला केल्याची धक्कादायक घटना समोर आली आहे. याप्रकरणी पोलिसांनी २३ वर्षीय आरोपीला अटक केली आहे. आरोपी तरुण हा पीडितेच्या ओळखीचा असून दोघंही एकमेकांच्या घराशेजारी राहायचे. पीडित तरुणीचं चार महिन्यांपूर्वी लग्न झालं होतं, यामुळे नाराज असलेल्या तरुणाने हैदराबादहून दिल्लीला जात महिलेवर जीवघेणा हल्ला केला, याबाबतची प्राथमिक माहिती पोलिसांनी दिली.
‘इंडिया टुडे’नं दिलेल्या वृत्तानुसार, हसमत जहाँ असं पीडित महिलेचं नाव आहे. तर शाह बाबू असं २३ वर्षीय आरोपीचं नाव आहे. घटनेच्या दिवशी आरोपी शाह बाबू पीडित महिलेला भेटण्यासाठी दिल्लीला आला होता. पीडितेशी बोलत असताना शहा बाबूला संताप अनावर झाला आणि त्याने पीडितेवर चाकूने हल्ला केला. यामध्ये पीडितेच्या डोक्यावर, चेहऱ्यावर आणि हातावर जखमा झाल्या.
हेही वाचा- घरात घुसून महाविद्यालयीन तरुणीचा चिरला गळा, आई-वडील घराबाहेर असताना घडला प्रकार
या घटनेबद्दल अधिक तपशील देताना पोलीस उपायुक्त (ईशान्य) जॉय तिर्की म्हणाले की, आम्हाला दुपारी ३ वाजून २५ मिनिटांनी एका महिलेवर चाकूने वार केल्याची माहिती मिळाली. हसमत जहाँ यांच्या डोक्यावर, चेहऱ्यावर आणि हातावर चाकूने अनेक वार करण्यात आले होते. त्यांना तातडीने ‘जग प्रवेश चंद्र’ रुग्णालयात नेण्यात आलं. तेथून त्यांना जीटीबी रुग्णालयात हलवण्यात आलं. याठिकाणी पीडितेवर उपचार सुरू असून त्यांची प्रकृती स्थिर आहे. आरोपी शाह बाबूला घटनास्थळावरून अटक करण्यात आली आहे. तसेच गुन्ह्यात वापरलेला चाकूही जप्त करण्यात आला.
हेही वाचा- मुंबईतील घर, कार्यालयांमध्ये चोरी करणारी गुजरातमधील महिलांची टोळी गजाआड
पोलीस उपायुक्त तिर्की यांनी पुढे सांगितलं की, “पीडित हसमत जहाँने चार महिन्यांपूर्वी मोहम्मद मुन्ना नावाच्या तरुणाबरोबर लग्न केलं होतं. यामुळे आरोपी शाह बाबू तिच्यावर नाराज झाला होता. शाह बाबू हैदराबादमध्ये टेलरिंगचं काम करतो. घटनेच्या दिवशी तो पीडितेला भेटण्यासाठी दिल्लीला आला. यावेळी तिच्याशी बोलताना आरोपीचा संयम सुटला आणि त्याने तिच्यावर चाकूने अनेक वेळा वार केले.”
‘इंडिया टुडे’नं दिलेल्या वृत्तानुसार, हसमत जहाँ असं पीडित महिलेचं नाव आहे. तर शाह बाबू असं २३ वर्षीय आरोपीचं नाव आहे. घटनेच्या दिवशी आरोपी शाह बाबू पीडित महिलेला भेटण्यासाठी दिल्लीला आला होता. पीडितेशी बोलत असताना शहा बाबूला संताप अनावर झाला आणि त्याने पीडितेवर चाकूने हल्ला केला. यामध्ये पीडितेच्या डोक्यावर, चेहऱ्यावर आणि हातावर जखमा झाल्या.
हेही वाचा- घरात घुसून महाविद्यालयीन तरुणीचा चिरला गळा, आई-वडील घराबाहेर असताना घडला प्रकार
या घटनेबद्दल अधिक तपशील देताना पोलीस उपायुक्त (ईशान्य) जॉय तिर्की म्हणाले की, आम्हाला दुपारी ३ वाजून २५ मिनिटांनी एका महिलेवर चाकूने वार केल्याची माहिती मिळाली. हसमत जहाँ यांच्या डोक्यावर, चेहऱ्यावर आणि हातावर चाकूने अनेक वार करण्यात आले होते. त्यांना तातडीने ‘जग प्रवेश चंद्र’ रुग्णालयात नेण्यात आलं. तेथून त्यांना जीटीबी रुग्णालयात हलवण्यात आलं. याठिकाणी पीडितेवर उपचार सुरू असून त्यांची प्रकृती स्थिर आहे. आरोपी शाह बाबूला घटनास्थळावरून अटक करण्यात आली आहे. तसेच गुन्ह्यात वापरलेला चाकूही जप्त करण्यात आला.
हेही वाचा- मुंबईतील घर, कार्यालयांमध्ये चोरी करणारी गुजरातमधील महिलांची टोळी गजाआड
पोलीस उपायुक्त तिर्की यांनी पुढे सांगितलं की, “पीडित हसमत जहाँने चार महिन्यांपूर्वी मोहम्मद मुन्ना नावाच्या तरुणाबरोबर लग्न केलं होतं. यामुळे आरोपी शाह बाबू तिच्यावर नाराज झाला होता. शाह बाबू हैदराबादमध्ये टेलरिंगचं काम करतो. घटनेच्या दिवशी तो पीडितेला भेटण्यासाठी दिल्लीला आला. यावेळी तिच्याशी बोलताना आरोपीचा संयम सुटला आणि त्याने तिच्यावर चाकूने अनेक वेळा वार केले.”
