मणिपूरमध्ये सामूहिक बलात्काराची आणखी एक घटना; पीडितेनं मांडली व्यथा, म्हणाली, “त्यांनी क्रूरपणे…”

नेमकं प्रकरण काय?

‘इंडिया टुडे’नं दिलेल्या वृत्तानुसार, ३ मे २०२३ रोजी मणिपूरमध्ये जातीय संघर्ष सुरू झाल्यानंतर चुरचंदपूर येथील एक महिला आपल्या घरातून पळून जाण्याचा प्रयत्न करत होती. यावेळी कुकी समुदायाच्या एका गटाने तिला आडवून तिच्यावर सामूहिक बलात्कार केला. याप्रकरणी एका ३७ वर्षीय महिलेनं तक्रार दाखल केली. “आम्ही जमावापासून वाचण्यासाठी शक्य तितक्या वेगाने धावलो,” असंही पीडितेनं तक्रारीत म्हटलं.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

‘पारू’ मालिकेत होणार लोकप्रिय अभिनेत्रीची एन्ट्री! साकारणार खलनायिका, तुम्ही ओळखलंत का? पाहा प्रोमो

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

Madras High Court: “जोडप्याने एकमेकांचे चुंबन घेणे स्वाभाविक,” उच्च न्यायालयाने रद्द केला लैंगिक अत्याचाराचा खटला

Sana Malik : “नवाब मलिक तुरुंगात असताना पक्षातील लोकांनी…”, सना मलिक यांचा गंभीर आरोप!

हेही वाचा- Manipur Horror: दोन महिलांना नग्न करत काढली धिंड, सामूहिक बलात्काराचा आरोप

पीडितेनं पोलिसांना दिलेल्या तक्रारीनुसार, ३ मे रोजी संध्याकाळी साडेसहाच्या सुमारास कुकी समुदायाच्या एका गटाने अनेक घरांना आग लावली. यामध्ये पीडितेच्या घराचाही समावेश होता. ही जाळपोळीची घटना घडत असताना पीडितेनं आपली भाची, दोन मुलं आणि वहिनींसह पळून जाण्याचा प्रयत्न केला. अर्धा किलोमीटर अंतर धावल्यानंतर ती अडखळली आणि खाली पडली. तोपर्यंत पीडितेची वहिनी मुलांसह सुरक्षित ठिकाणी धावत गेली. पण पीडितेला पाच ते सहा हल्लेखोरांनी आडवलं. तिने हल्लेखोरांचा प्रतिकार करण्याचा प्रयत्न केला. पण नराधमांनी तिला मारहाण करत तिच्यावर क्रूरपणे लैंगिक अत्याचार केला.

हेही वाचा- हैदराबादमध्ये तरुणीचे कपडे फाडून भररस्त्यात केलं नग्न; प्लास्टिकच्या कागदाने झाकावं लागलं अंग, नराधमला अटक

“अंत:करणातून ओरडूनही मला कुणाचीही मदत मिळाली नाही. त्यानंतर आणखी काही कुकी समुदायाचे हल्लेखोर अत्याचारात सामील झाले. या प्रकारानंतर माझी शुद्ध हरपली. मी जेव्हा शुद्धीवर आले, तेव्हा मी मैतेई समुदायाच्या लोकांनी वेढलेल्या घरात होते,” असंही पीडितेनं आपल्या तक्रारीत म्हटलं आहे. याप्रकरणी गुन्हा दाखल करण्यात आला असून चुरचंदपूर पोलीस पुढील तपास करत आहेत.