मनोहर भाई अमर रहेंच्या घोषणा देत पर्रिकरांना अखेरचा निरोप

गोव्याचे मुख्यमंत्री मनोहर पर्रिकर यांना अखेरचा निरोप देण्यात येतो आहे, काही वेळातच त्यांच्या पार्थिवावर अंत्यसंस्कार करण्यात येणार आहेत 

गोव्याचे मुख्यमंत्री मनोहर पर्रिकर यांच्या पार्थिवाचं अंत्यदर्शन घेतल्यावर केंद्रीय मंत्री स्मृती इराणी यांना अश्रू अनावर झाले. 

पंतप्रधान नरेंद्र मोदी यांनी काही वेळापूर्वीच मनोहर पर्रिकर यांच्या पार्थिवाचं दर्शन घेतलं. संरक्षण मंत्री निर्मला सीतारामनही यावेळी हजर होत्या . 

मनोहर पर्रिकर यांनी अल्पसंख्याक, आदिवासी आणि ओबीसींना सुखावणारे निर्णय घेतले. खऱ्या अर्थाने ते ‘सबका साथ, सबका विकास’ या घोषणेचे जनक आहेत. वाचा सविस्तर>>

मनोहर पर्रिकर यांचे पार्थिव भाजपा मुख्यालयापासून तीन किलोमीटर अंतरावर असलेल्या कला अकादमीत दाखल. कला अकादमीत सर्वसामान्य नागरिकांना पर्रिकर यांच्या पार्थिवाचे अंत्यदर्शन घेता येणार

मनोहर पर्रिकर यांचे पार्थिव कला अकादमीकडे रवाना, कला अकादमीबाहेर पर्रिकर समर्थकांची गर्दी, कला अकादमीत संध्याकाळी चार वाजेपर्यंत पार्थिव अंत्यदर्शनासाठी ठेवण्यात येणार

पंतप्रधान नरेंद्र मोदी गोव्याला रवाना, मनोहर पर्रिकर यांच्या पार्थिवाचे अंत्यदर्शन घेणार आणि अंत्ययात्रेतही सामील होणार

मनोहर पर्रिकर यांचे पार्थिव निवासस्थानावरुन पणजीतील भाजपा मुख्यालयात नेण्यात आले. हे अंतर पाच किलोमीटर होते. यादरम्यान, रस्त्याच्या दुतर्फा भाजपा समर्थकांनी गर्दी केली होती.

मनोहर पर्रिकर यांच्या पार्थिवाचे अंत्यदर्शन घेण्यासाठी केंद्रीय मंत्री नितीन गडकरी पणजीतील भाजपा मुख्यालयात

मनोहर पर्रिकर यांचे पार्थिव भाजपा मुख्यालयात दाखल झाले असून सुमारे तासभर त्यांचे पार्थिव मुख्यालयात ठेवण्यात येणार आहे. पर्रिकर यांच्या पार्थिवाचे अंत्यदर्शन घेण्यासाठी मुख्यालयात भाजपा कार्यकर्त्यांनी गर्दी केली असून मुख्यालय परिसरात शोकाकूल वातावरण आहे.

पणजी येथील भाजपा मुख्यालयाबाहेर कार्यकर्त्यांची गर्दी

मनोहर पर्रिकर यांचे पार्थिव भाजपा मुख्यालयाच्या दिशेने रवाना...

मनोहर पर्रिकर यांच्या निधनाच्या पार्श्वभूमीवर गोवा उच्च न्यायालय आणि जिल्हा सत्र न्यायालयातील कामकाज सोमवारी बंद ठेवण्यात येणार आहे.

संरक्षणमंत्री असताना पाकव्याप्त काश्मीरमध्ये लक्ष्यभेद हल्ले करण्यात आले. त्याचे श्रेय त्यांनी संघाच्या शिकवणीला दिले होते. सध्या गाजत असलेली राफेल विमान खरेदी त्यांच्या काळातच झाली होती. संरक्षणमंत्री असतानाही महत्त्वाच्या निर्णय प्रक्रियेत दूर ठेवले जात असल्याने पर्रिकर खासगीत नाराजी बोलून दाखवीत असत.

अत्यंत साधे राहणीमान आणि अभ्यासू नेते म्हणून मनोहर पर्रिकर यांना ओळखले जायचे. मुख्यमंत्री आणि नंतर संरक्षणमंत्री झाल्यानंतरही त्यांचे साधे रहाणीमान कायमच राहिले. वाचा पर्रिकरांच्या साधेपणाचे किस्से>>

मनोहर पर्रिकर यांच्या पत्नी मेधा पर्रिकर यांचे निधनही कर्करोगानेच झाले होते. पत्नीच्या निधनानंतर पर्रिकर यांनी दोन्ही मुलांकडे लक्ष दिले. वाचा सविस्तर>>

आमदार नितेश राणे यांनी ट्विटरद्वारे पर्रिकर यांना श्रद्धांजली अर्पण केली.

गोव्यात १९९०च्या दशकापर्यंत काँग्रेस आणि महाराष्ट्रवादी गोमांतक पक्ष हे दोनच मुख्य पक्ष होते. भाजपाने हळूहळू या राज्यात प्रवेश करण्यास सुरुवात केली. तेव्हापासूनच मनोहर पर्रिकर हा गोवा भाजपचा चेहरा होता.

मनोहर पर्रिकर यांचे पार्थिव सकाळी ९. ३० ते १०. ३० या वेळेत पणजी येथील भाजपाच्या मुख्यालयात ठेवण्यात येणार आहे. यानंतर सकाळी १०. ३० वाजता त्यांचे पार्थिव कला अकादमी येथे नेण्यात येणार आहे. कला अकादमीत सकाळी ११ ते संध्याकाळी चार वाजेपर्यंत त्यांचे पार्थिव अंत्यदर्शनासाठी ठेवले जाईल. संध्याकाळी चार वाजता कला अकादमीपासून अंत्ययात्रेला सुरुवात होईल.  मिरामर येथे संध्याकाळी पाच वाजता त्यांच्या पार्थिवावर अंत्यसंस्कार केले जातील. 

मनोहर पर्रिकर १९९४ मध्ये पणजी मतदार संघातून विधानसभेवर निवडून आले. जून ते नोव्हेंबर १९९९ दरम्यान ते विरोधी पक्षनेते होते. त्यांनी काँग्रेस सरकारला त्या काळात धारेवर धरले. २४ ऑक्टोबर २००० रोजी ते पहिल्यांदा मुख्यमंत्री झाले. त्या वेळी २७ फेब्रुवारी २००२ पर्यंत त्यांचे सरकार टिकले. नंतर ५ जून २००२ रोजी ते पुन्हा निवडून आले व मुख्यमंत्री बनले. २९ जानेवारी २००५ रोजी त्यांचे सरकार चार आमदारांनी राजीनामे दिल्याने अल्पमतात आले. नंतर काँग्रेसचे प्रतापसिंह राणे मुख्यमंत्री झाले. २००७ मध्ये पर्रिकर यांच्या नेतृत्वाखालील भाजपचा दिगंबर कामत यांच्या नेतृत्वाखालील काँग्रेसने पराभव केला. २०१२ मध्ये लोकप्रियतेवर आरूढ होत पर्रिकर यांनी २१ जागा जिंकल्या नंतर ते पुन्हा मुख्यमंत्री झाले. २०१४ पर्यंत त्यांची घोडदौड सुरू होती.