केंद्रीय गृहमंत्रालयाने FCRA वेबसाईटवरून परवाना रद्द झालेल्या एनजीओंची माहिती हटवली; आर्थिक व्यवहाराबाबत अस्पष्टता

विदेशी योगदान (नियमन) कायद्याच्या (FCRA) अधिकृत वेबसाईटवर FCRA परवाना धारकांची माहिती दिली जाते. तसेच ज्या एनजीओचे परवाने रद्द झाले आहे, अशा एनजीओच्या आर्थिक व्यवहाराची माहिती देखील या साईटवर दिली जाते. मात्र, आता केंद्रीय गृहमंत्रालयाने एनजीओची यादी वेसाईटवरून काढून टाकल्याने एनजीओच्या आर्थिक व्यवहाराची कोणीतीही माहिती उपलब्ध नाही.

यासंदर्भात बोलताना, ”जी माहिती उपयुक्त नव्हती ती माहिती वेबसाईटवरून काढून टाकण्यात आली आहे”,असे स्पष्टीकरण केंद्रीय गृहमंत्रालयाच्या अधिकाऱ्यांनी दिली आहे.

दरम्यान, १ जुलै रोजी केंद्रीय गृहमंत्रालयाकडून FCRAच्या नियमांमध्ये बदल करणार असल्याचे सांगण्यात आले होते. यामध्ये FCRAच्या नियम १३ चाही समावेश होता. याच नियमानुसार एनजीओंना आर्थिक व्यवहाराची माहिती देणे बंधकारक असते.

हेही वाचा – “बाळासाहेबांना गुरु म्हणता याचं आश्चर्य वाटतं,” संजय राऊतांची बंडखोर आमदारांवर टीका; म्हणाले “आज बाळासाहेब असते तर…”