Mig 29 Fighter Jet Crashes : भारतीय हवाई दलाचे (IAF) मिग-२९ हे लढाऊ विमान सोमवारी राजस्थानच्या बारमेर येथे तांत्रिक बिघाडामुळे कोसळले. मिग-२९ जेट पायलटला अपघातापूर्वी सुरक्षितपणे बाहेर काढण्यात यश आले. बारमेर सेक्टरमधील हवाई दलाच्या तळावरून प्रशिक्षण मोहिमेवर असलेले हे लढाऊ विमान बारमेरमधील उत्तरलाईजवळील एका शेतात कोसळल्यानंतर तत्काळ आग लागली. सुदैवाने यात पायलट व्यतिरिक्त कोणीही नव्हते. "बारमेर सेक्टरमध्ये नियमित रात्रीच्या प्रशिक्षण मोहिमेदरम्यान, IAF मिग-२९ मध्ये एक गंभीर तांत्रिक अडचण आली, यामुळे पायलटला बाहेर काढण्यास भाग पाडले. पायलट सुरक्षित आहे आणि कोणतीही जीवित किंवा मालमत्तेची हानी झाली नाही", असे हवाई दलाने स्पष्ट केले आहे. अपघाताच्या कारणाचा तपास करण्यासाठी कोर्ट ऑफ इन्क्वायरीचे आदेश देण्यात आले आहेत, असे हवाई दलाने म्हटले आहे. During a routine night training mission in Barmer sector, an IAF MiG-29 encountered a critical technical snag, forcing the pilot to eject. The pilot is safe and no loss of life or property was reported. A Court of Inquiry has been ordered.— Indian Air Force (@IAF_MCC) September 2, 2024 बारमेरचे जिल्हाधिकारी निशांत जैन, एसपी नरेंद्र सिंह मीना आणि इतर जिल्हा प्रशासकीय अधिकारी घटनास्थळी पोहोचले आहेत. VIDEO | A fighter jet crashed near Bandra village in Rajasthan’s Barmer earlier today. No casualties reported. (Source: Third Party) pic.twitter.com/QYV6eMAwXb— Press Trust of India (@PTI_News) September 2, 2024 जून महिन्यात नाशिक जिल्ह्यातील निफाड तालुक्यातील एका शेतात सुखोई लढाऊ विमान कोसळले होते. यावेळीही वैमानिक आणि सहवैमानिक वेळेत बाहेर पडल्याने ते बचावले.
