ताजमहाल म्हणजे कब्रस्तान, अनिल विज यांचा वादग्रस्त ट्विट

उत्तर प्रदेशातील पर्यटन स्थळाच्या यादीतून ताजमहालचे नाव योगी आदित्यनाथ सरकारने हटवले आणि यावरून वाद सुरू झाला.  बादशहा शहाजान याने आपल्या वडिलांना तुरुंगात डांबले, त्याला भारतातून हिंदूंचे अस्तित्त्व मिटवायचे होते.. असे लोक आपल्या इतिहासाचा भाग कसे असू शकतात? असा प्रश्न करत ताजमहालाचे नाव हटवण्यात आले. लवकरच औरंगजेब आणि इतर मुघल बादशहांचा इतिहासही पाठ्यपुस्तकातून वगळणार असल्याचे उत्तर प्रदेश सरकारने स्पष्ट केले.

भाजप नेते विनय कटियार यांनीही ताजमहाल हे महादेवाचे मंदिर आहे असा दावा केला. ताजमहालाचे नाव शेकडो वर्षांपूर्वी ‘तेजो महाल’  होते असे कटियार यांनी म्हटले आहे.  इतिहासकार पी. एन. ओक यांच्या पुस्तकाचाही दाखला त्यांनी यासाठी दिला होता.  ताजमहाल ही वास्तू पाहण्यासाठी भारतात देश-विदेशातून पर्यटक येत असतात. मात्र सध्या हाच ताजमहाल वादाचा विषय ठरताना दिसतो आहे.