भगवंत मान यांच्यावरील ‘त्या’ आरोपांची चौकशी करणार, ज्योतिरादित्य सिंधिया यांची माहिती

दारुच्या नशेत असल्याने मुख्यमंत्री भगवंत मान यांना विमानातून खाली उतरवलं? आरोपांमुळे खळबळ

भगवंत मान यांच्यामुळे ‘लुफ्तांन्सा’ एअरलाईन्सच्या फ्रँकफर्ट-दिल्ली विमानाला विलंब झाल्याचा आरोप झाल्यानंतर पंजाबमधील राजकीय वातावरण तापले आहे. दरम्यान, विमानातील काही बदलांमुळे उड्डाणाला उशीर झाल्याचे जर्मनीच्या एअरलाईन्सने स्पष्ट केले आहे. भगवंत मान प्रवासादरम्यान दारु प्यायले असल्याने त्यांना विमानातून उतरवण्यात आल्याचा दावा शिरोमणी अकाली दल आणि पंजाब काँग्रेसने केला आहे. “लुफ्तांसा एअरलाईन्सच्या विमानात भगवंत मान दारु प्यायलेले होते, असा दावा सहप्रवाशांनी केला आहे. यामुळे विमानाच्या उड्डाणाला चार तास उशीर झाला. या प्रकारामुळे मान आम आदमी पक्षाच्या दिल्लीतील राष्ट्रीय अधिवेशनात पोहोचू शकले नाहीत,” असे ट्वीट शिरोमणी अकाली दलाचे नेते बिक्रम सिंग मजिठिया यांनी केले आहे. ही घटना जगभरातील पंजाबी लोकांसाठी लाजिरवाणी असल्याचे मजिठिया म्हणाले आहेत.

पंजाब सरकारला सहा महिने पूर्ण; भ्रष्टाचारापासून ते ऑडिओ क्लीपर्यंत ‘ही’ सहा प्रकरणं राहिली वादग्रस्त

दरम्यान, आम आदमी पक्षाचे मुख्य प्रवक्ते मलविंदर सिंग कांग यांनी हे आरोप निराधार असल्याचे म्हटले आहे. पंजाबच्या मुख्यमंत्र्यांना बदनाम करण्यासाठी विरोधी पक्ष नकारात्मक प्रचार करत असल्याचे कांग म्हणाले आहेत. प्रकृती ठीक नसल्याने भगवंत मान यांना परत येण्यास उशीर झाला, असे मुख्यमंत्री कार्यालयाकडून सांगण्यात आले आहे.