Morocco Earthquake: भूकंपबळी दोन हजारांवर, मोरोक्कोतील दुर्गम भागात मृतांची संख्या वाढण्याची भीती

गृह मंत्रालयाने दिलेल्या माहितीनुसार अल हौज प्रांतात सर्वाधिक एक हजार २९३ जण मृत्युमुखी पडले आहेत. दोन हजार ५९ जखमींपैकी एक हजार ४०४ जणांची प्रकृती गंभीर आहे. भूकंपानंतर मोरोक्कोच्या सरकारने तीन दिवसांचा राष्ट्रीय दुखवटा जाहीर केला आहे. मोरोक्कोमध्ये  ६.८ रिश्टर स्केलचा भूकंप गेल्या १२० वर्षांत देशातील सर्वात भीषण विध्वंसंक भूकंप ठरला. अनेक देशांच्या नेत्यांनी मोरोक्कोला मदत जाहीर केली आहे. ‘जी-२०’ शिखर परिषदेचे यजमानपद भूषवत असताना हे दुर्दैवी वृत्त कळाल्यानंतर पंतप्रधान मोदींनी ‘एक्स’वर नमद केले होते, की मोरोक्कोतील भूकंपामुळे झालेल्या जीवितहानीमुळे खूप दु:ख झाले आहे. या दु:खद प्रसंगी मोरोक्कोवासीयांसोबत आहोत.