मध्य प्रदेशात कार्यरत असणाऱ्या सहाय्यक अभियंत्याने विभागाला रजेसाठी विचित्र अर्ज केला आहे. हा अर्ज वाचून अधिकारी देखील चक्रावले आहेत. या अर्जात ज्या गोष्टी लिहिल्या आहेत त्यावर सगळीकडे चर्चा होत आहे. सहाय्यक अभियंत्याने लिहिले की, “मला कळले आहे की माझा आत्मा अमर आहे. मलाही गेल्या जन्माची जाणीव झाली आहे. आता मला गीता वाचायची आहे. मला माझ्यातील अहंकार मिटवायचा आहे, म्हणून आता मी घरोघरी भीक मागणार आहे.” या विचित्र अर्जाची सगळीकडे चर्चा होत आहे.
राजकुमार यादव असे या उपअभियंत्याचे नाव आहे. राजकुमार मध्यप्रदेशातील आगर माळवाच्या सुस्नेर पंचायतीमध्ये उपअभियंता म्हणून कार्यरत आहे. राजकुमार यादव यांनी मुख्य कार्यकारी अधिकाऱ्यांना रजेसाठी अर्ज लिहिला आहे. यादव यांनी प्रत्येक रविवारी कोणत्याही प्रकारे कामाच्या ठिकाणी उपस्थित राहता येत नसल्याची माहिती अधिकाऱ्यांना दिली आहे.
काय लिहिले अर्जात?
राजकुमारने अर्जात लिहिले, “मी रविवारी जिल्ह्याच्या कोणत्याही कामाला उपस्थित राहू शकणार नाही. कारण आत्मा अमर आहे हे मला काही दिवसांपूर्वी समजले आहे. मला माझ्या मागील जन्माचीही जाणीव झाली आहे. असदुद्दीन ओवैसी हे माझे पहिले जन्मलेले मित्र नकुल आणि मोहन भागवत शकुनी मामा होते. म्हणूनच मला माझे जीवन जाणून घेण्यासाठी गीता वाचायची आहे. दर रविवारी मी माझ्यातील अहंकार मिटवण्यासाठी भीक मागून घरोघरी गव्हाचे धान्य गोळा करेन. हा माझ्या आत्म्याचा प्रश्न आहे. मला समजते की प्रत्येक रविवारी मला सुट्टी देऊन तुम्हाला आनंद होईल.” उपअभियंताचे हे पत्र चर्चेचा विषय ठरत आहे.
