मागासवर्गीयांना चुचकारण्याचा मुलायमसिंहाचा प्रयत्न

उत्तर प्रदेशातील सत्तारूढ सपाने बसपाच्या व्होटबँकेवर डोळा ठेवून मागासवर्गीयांना चुचकारण्याचे धोरण अवलंबिण्याचे ठरविले आहे. त्याचाच एक भाग म्हणून सपा आपल्या ‘सामाजिक न्याय अधिकार’ यात्रेच्या दुसऱ्या टप्प्याला ५ जानेवारीपासून सुरुवात करणार आहे. अनुसूचित जातींच्या यादीत १७ अतिमागास जातींचा समावेश करावा ही मागणी रेटण्यासाठी या यात्रेचे प्रयोजन आहे. ही यात्रा ५ जानेवारीला सुरू होऊन झाशी येथे ती ११ जानेवारी रोजी समाप्त होणार आहे. झाशी येथे  मुलायमसिंग यादव यांची सभा होणार आहे, असे यात्रेचे निमंत्रक आणि मंत्री गायत्री प्रसाद प्रजापती यांनी  सांगितले.