अर्धवट राष्ट्रगीत गायल्याने ममता बॅनर्जींविरोधात पोलिसात तक्रार; कारवाई करण्याची भाजपा नेत्याची मागणी

“ममता बॅनर्जी यांनी या राष्ट्रगीताचा अवमान केला आहे. आपल्या देशाचा अवमान करण्याचे काम ममता बॅनर्जी यांनी केले आहे. त्यामुळे त्यांच्यावर गुन्हा दाखल करण्याची आवश्यकता आहे. केंद्र सरकारने राष्ट्रगीताच्या संदर्भात जो काही कायदा आहे त्यानुसार गुन्हा दाखल करण्याची आवश्यकता आहे. कारण राष्ट्राभिमान महत्त्वाचा आहे. राष्ट्रगीत महत्त्वाचे आहे आणि त्याविषयी ममता बॅनर्जी इतक्या निष्काळजी असतील तर हे चुकीचे आहे. राजकारण यांना देशहितापेक्षा मोठे वाटत आहे. या सर्वांमध्ये त्यांनी राष्ट्रगीताला दुय्यम स्थान दिले आहे. याची शिक्षा देशाने आणि आपल्या राज्याने त्यांना दिली पाहिजे. पोलिसांनी ममता बॅनर्जींवर गुन्हा दाखल करावा,” अशी प्रतिक्रिया प्रविण दरेकर यांनी दिली आहे.

“काँग्रेस बंगालमध्ये लढू शकते, तर तृणमूल..”; ममता बॅनर्जींचा काँग्रेसमुक्त विरोधी पक्ष उभा करण्याचा प्रयत्न?

दरम्यान, भाजपाच्या पश्चिम बंगाल युनिटनेही राष्ट्रगीताचा अपमान केल्याबद्दल ममता यांना लक्ष्य केले. भाजपा बंगालने ट्विट करत, ‘ममता बॅनर्जी आधी बसल्या, नंतर उठल्या आणि मध्येच राष्ट्रगीत गाणे थांबवले. मुख्यमंत्री असताना त्यांनी बंगालची संस्कृती, राष्ट्रगीत आणि देशाचा तसेच गुरुदेव रवींद्रनाथ टागोर यांचा अपमान केला आहे, असे म्हटले आहे.

“काँग्रेसशिवाय भाजपाला कोणीही पराभूत करू शकत नाही”; ममतांच्या वक्तव्यानंतर काँग्रेसचा पलटवार

मुंबईत पत्रकार परिषदेदरम्यान ममता यांचा एक व्हिडिओ खूप शेअर केला जात आहे, ज्यामध्ये राष्ट्रगीत सुरू झाल्यानंतर काही सेकंदात त्या खुर्चीवरून उठताना दिसत आहेत. तर ‘द्रविड उत्कल बंग’ नंतर त्यांनी जय महाराष्ट्र, जय बिहार आणि जय भारत म्हणत राष्ट्रगीत गाणे थांबवले. आता भाजपा नेतेही ममता बॅनर्जींचा हा व्हिडिओ ट्विट करत राष्ट्रगीताचा अपमान केल्याचा आरोप करत आहेत.