पंजाब काँग्रेसमध्ये पुन्हा एकदा जुंपली, नवज्योत सिंग सिद्धू आणि मनीष तिवारींकडून घरचा आहेर, म्हणाले…

नवज्योत सिंग सिद्धू यांनी पंजाबमधील काँग्रेसच्या सरकारवर टीका केलीय, तर तिवारी यांनी पंजाबचे काँग्रेस प्रभारी हरीश रावत, मल्लिकार्जुन खर्गे आणि सिद्धू यांच्यावर हल्ला चढवला.

नवज्योत सिंग सिद्धू म्हणाले, “पंजाब सरकारने प्रत्येक पंजाबी नागरिकाला आणि भावी पिढीच्या चिंतेच्या विषयावर काम करायला हवं. आपल्यावर असलेल्या आर्थिक संकटाचा आपण कसा सामना करणार आहोत? मी वास्तव मुद्द्यांवर जोर देईल आणि सरकारला याकडे दुर्लक्ष करू देणार नाही.”

आपल्या अन्य एका ट्विटमध्ये सिद्धू म्हणाले, “आता भरून न येणारं नुकसान करून घ्यायचं की नुकसान होऊ नये म्हणून काम करायचं हे पर्याय स्पष्ट आहेत. राज्याची संसाधनं खासगी उद्योगपतींच्या खिशात न जाता परत राज्याकडे येतील यासाठी कोण काम करेल? पंजाबला पुन्हा एक श्रेष्ठ राज्य बनवण्याचं काम कोण करेल.”

पंजाबचे मुख्यमंत्री चरणजीत सिंग चन्नी यांनी आज (२४ ऑक्टोबर) दुपारी ३ वाजता फेसबूक लाईव्ह केल्यानंतर सिद्धू यांनी हे ट्वीट केलंय. त्यामुळे चर्चांना उधाण आलंय.