‘ईव्हीएम’बाबत शंका; शरद पवार म्हणतात, …तर लोकांचा निवडणुकीवरचा विश्वास उडेल

शरद पवार यांनी एबीपी माझा या वृत्तवाहिनीला मुलाखत दिली असून या मुलाखतीत त्यांनी ईव्हीएमबाबत भाष्य केले आहे. शरद पवार म्हणतात, मी ईव्हीएममध्ये फेरफार शक्य असल्याचे ऐकून आहे. ईव्हीएममध्ये एक चिप असते आणि ती चिप बाहेर नेऊन ईव्हीएममध्ये मतांचे परिवर्तन करता येऊ शकते, असे मी ऐकून आहे. पण मला याबाबत ठोस माहिती नाही. मी याबाबतीतील तज्ज्ञदेखील नाही,  असे  पवारांनी नमूद केले. मध्य प्रदेशमध्ये ईव्हीएममध्ये कोणतेही बटन दाबले तरी कमळालाच मत जाते, अशी बातमी माझ्या वाचनात आली होती. या सर्व गोष्टी चिंता निर्माण करणाऱ्या आहेत, असे शरद पवारांनी सांगितले.

आणखी वाचा

Sharad Pawar : शरद पवारांचं वक्तव्य चर्चेत,”महायुतीने ज्या योजना आणल्या त्याचा त्यांना फायदा होईल, पण…”

Devendra Fadnavis Income : उपमुख्यमंत्र्यांची एकूण संपत्ती किती?…

‘एमआयएम’वर उद्धव ठाकरेंपेक्षा देवेंद्र फडणवीस यांची अधिक प्रखर टीका

लक्षवेधी लढत: धुळे शहर : मतांचे ध्रुवीकरण कोणाला फायदेशीर?

महायुतीच्या योजनांचा परिणाम शक्य पण लोकांना बदल हवाच! शरद पवार यांचा दावा

लक्षवेधी लढत: राजापूर : उदय सामंत यांच्या भावासमोर कडवे आव्हान

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

चंद्रकांत पाटील यांच्यासारखी न निवडून येणारी लोकंही जेव्हा भाजपाचा विजय निश्चित असल्याचे सांगतात. तेव्हा  ही लोक तंत्रज्ञानाचा आधार घेऊन नियोजन करतात की काय अशी शंका अनेकांना येते. पण माझ्याकडे याबाबत ठोस माहिती नाही, असे शरद पवार म्हणाले.

भाजपाचे नेते देशात यंदा अनेक ठिकाणी अनपेक्षित निकाल लागतील असा दावा करत आहेत. यात बारामतीचाही समावेश असेल, असे भाजपा नेते सांगतात. असा निकाल लागेल का, असा प्रश्न विचारला असता शरद पवार म्हणाले, अनपेक्षित निकाल लागले तर लोकांचा मतदानावरील विश्वास उडेल आणि ते कोणत्याही टोकाला जातील. आपल्याला संसदीय लोकशाहीचे रक्षण करायचे आहे. यात निवडणूक आयोगाची भूमिका महत्त्वाची आहे, असे पवारांनी सांगितले.