New National Executive Committee of NCP announced msr 87

अजित पवार, सुप्रिया सुळे, छगन भुजबळ, दिलीप वळसे पाटील, जितेंद्र आव्हाड, नरेंद्र वर्मा यांचीही कार्यकारिणीत वर्णी

New National Executive Committee of NCP meeting

राष्ट्रवादी काँग्रेसच्या विस्तारीत कार्यकारिणीच्या बैठकीत शरद पवार, प्रफुल्ल पटेल, सुनिल तटकरे

राष्ट्रवादी काँग्रेस पक्षाची राष्ट्रीय कार्यकारिणी आज(शुक्रवार) अधिकृतपणे जाहीर करण्यात आली आहे. यामध्ये राष्ट्रीय अध्यक्षपदी शरद पवार, उपाध्यक्षपदी खासदार प्रफुल पटेल आणि मुख्य सरचिटणीसपदी खासदार सुनिल तटकरे यांची निवड जाहीर झाली आहे.

राष्ट्रीय उपाध्यक्ष पदी प्रफुल पटेल यांची निवड झाल्याने पक्षातील मुख्य सरचिटणीसपदी खासदार सुनिल तटकरे यांची नियुक्ती करण्यात आली आहे.

पवार यांची राष्ट्रवादीच्या अध्यक्षपदी फेरनिवड; दिल्लीतील पक्षाच्या बैठकीत एकमताने ठराव

याशिवाय महाराष्ट्रातून सरचिटणीस पदी माजी मंत्री जितेंद्र आव्हाड आणि नरेंद्र वर्मा यांची वर्णी लागली आहे. तर राष्ट्रीय कार्यकारिणीमध्ये पक्षाचे ज्येष्ठ नेते माजी मंत्री छगन भुजबळ, विरोधी पक्षनेते अजित पवार, माजी गृहमंत्री दिलीप वळसे पाटील आणि खासदार सुप्रिया सुळे यांची देखील निवड झाली आहे.

राष्ट्रवादी काँग्रेस पक्षाची राष्ट्रीय कार्यकारिणी आज जाहीर करण्यात आली आहे. सर्व नवनियुक्त पदाधिकाऱ्यांचे हार्दिक अभिनंदन व पुढील वाटचालीसाठी शुभेच्छा!#NCPNationalCommittee pic.twitter.com/gd2rx7X6Pf
— Nationalist Congress Party – Sharadchandra Pawar (@NCPspeaks) September 16, 2022

खासदार सुनिल तटकरे यांच्यावर पक्ष संघटना, महिला कॉंग्रेस, अल्पसंख्याक, किसान सेलची जबाबदारी तर नरेंद्र वर्मा यांच्यावर मीडिया आणि आयटी व जितेंद्र आव्हाड यांच्यावर कामगार, एससी, एसटी व सहकार या विभागाची जबाबदारी सोपवण्यात आली आहे.

First published on: 16-09-2022 at 19:40 IST

Web Title: New national executive committee of ncp announced msr